Hulumtimet tregojnë se një person mesatar merr rreth 35,000 vendime të vetëdijshme çdo ditë. Lodhja e marrjes së vendimit është një formë e njohur e stresit. Duke racionalizuar rutinën tuaj të përditshme ju mund të drejtoni procesin dhe të bëni zgjedhje më të mira që në fund të fundit do t’ju bëjë të ndiheni më të lumtur dhe me më shumë kohë për të bërë gjërat që kanë vërtet rëndësi.
Lexoni listën tonë më poshtë dhe konsideroni miratimin e disa praktikave të reja për një shëndet më të mirë fizik dhe mendor.
1.Krijoni një ritual të mëngjesit
Mark Wittle, trajner i performancës në “Take Flight Podcast” u shpreh se:
Krijoni një ritual që e starton mëngjesin tuaj me një fillim më pozitiv. Një natë më parë, rregulllo rrobat, paketo çantën. Vendosni alarmin tuaj një orë më herët sesa keni nevojë dhe fillojeni ditën tuaj me një qëllim. Niseni me një vrapim dhe vizualizoni qëllimet tuaja. Do t’a filloni ditën tuaj me qartësi dhe energji.
2.Bëni drekën para gjumit
Joe Warner, trajner personal dhe krijues i “NewBodyPlan”, tha se:
Gatoni një vakt të madh të dielën dhe mbajini disa ushqime në frigorifer për t’i ngrohur përsëri gjatë javës së punës. Kjo stil jetese do t’ju bëjë të largoheni nga ushqimet e pashëndetshme të cilat padyshim ndikojnë në një shëndet jo të mirë mendor.
3.Fokusohuni!
Gelong Thubten, autor i “Mark’s Guide” tha se:
Ju mund të praktikoni momente të vogla të vetëdijes së ndërgjegjshme duke bërë gjithçka, madje edhe duke larë duart, duke qenë vetëm të vetëdijshëm për lëvizjen e duarve tuaja. Ndërgjegjësimi ka të bëjë me sjelljen e mendjes atje ku është trupi juaj.
4.Bëni lëvizjen e parë!
Marc Bubbs, autori i “Peak 40: The New Science Of Mind-Life Health For A Leaner, Stronger And a Sharper Mind” tha se:
Bëni një lloj lëvizjeje së pari në mëngjes. Edhe nëse janë pesë minuta punë me lëvizje të lehta, një shëtitje 10-minutëshe ose një stërvitje në palestër. Ndërtimi i një rutine të lëvizjes në mëngjes para se të fillojë ‘çmenduria’ e ditës ju vë në sukses në planin afatgjatë.
5.Krijoni miqësi të vërteta.
Burrat veçanërisht përfitojnë nga miqësi të forta, të cilat mund të jenë vërtet shpëtimtare.
Thjeshtoni kërkesat në jetën tuaj shoqërore duke i dhënë përparësi miqësive cilësore që vlerësoni më shumë. Njerëzit e tjerë nuk duhet të kenë shumë ndikim në jetën tuaj!
6.Mësoni të thoni jo!
Dr. Tang thotë se:
Nëse jeni duke thënë po për gjithçka, rrezikoni të hidhëroheni me njerëzit që fillimisht donit të ndihmonit. Zotëroni zgjedhjet tuaja dhe fitoni zakonin të thoni “jo”, nëse kështu ndiheni!
7.Udhëtoni në një mënyrë tjetër.
Njerëzit që kryejnë udhëtime të gjata kanë kënaqësi më të ulët në jetë. Ky është përfundimi i një studimi të kryer nga Universiteti i Kanadasë i ‘Waterlo’o. Studimi zbuloi se kur njerëzit e shikojnë kohën e udhëtimit si një “pushim”, duke u marrë me aktivitete të këndshme, të tilla si duke dëgjuar muzikë, kjo ndihmon në luftimin e efekteve negative si stresi apo ankthi.
8.Hidhni katër hapa larg stresit.
Përdorni këtë teknikë TIPP me katër hapa nga terapia e sjelljes dialektike kur stresoheni. Ndryshimi i temperaturës, stresi shpesh na bën të ndihemi në mënyrë të pakëndshme. Provoni të hapni një dritare! Ndryshimi i intensitetit, përqendrohuni në numërimin e sekondave në një orë për të dalë nga mendja për një moment.
Kjo do të ngadalësojë frymëmarrjen tuaj, gjithashtu. Relaksimi i muskujve është një ritual i thjeshtë qetësues. Frymëmarrje me ritëm; frymë për katër, mbajeni për dy dhe jashtë për gjashtë, për tre ose katër cikle.
9.Stërvitje gjatë drekës.
Dr. Bubbs thotë se:
Kombinoni një shëtitje për të ndërtuar më shumë forcë muskulore.
10.Jini besnikë ndaj vetes!
Dr. Audrey Tang, psikolog i autorizuar i “The Leader’s Guide To Resilience” tha se:
Pyete veten, çfarë mendon vërtet apo çfarë ju duket e kënaqshme?. Ndoshta ke një hobi që nuk jeni angazhuar për një kohë të gjatë për të. Para së gjithash, rishikojeni atë dhe pastaj shihni nëse mund ta fusni në jetën tuaj të punës për një kënaqësi më të madhe.
12.Bëni një takim me veten.
Johanna Scheutzow, psikologe në “Thrive Therapy Software” tha se:
Trajtojeni “kohën me veten tuaj” me të njëjtin përparësi që po i jepni punës ose edhe më shumë akoma. Përdorni aplikacione si Thrive (aplikacioni i shëndetit mendor i mbështetur nga NHS) për t’ju siguruar që të planifikoni në kohë të mirëqenies.
13.Menaxho emailin tënd.
Autorët e një studimi të Universitetit të Kalifornisë thanë se:
Sa më gjatë që dikush kalon në email, aq më i lartë është stresi për atë orë. Kufizoni kontrollet tuaja të komunikimit në kohë të caktuara të ditës, për një kohë të caktuar.
14. Mendoni për lumturinë tuaj.
Dr. Tang tha se:
Shikoni qëndrimin tuaj dhe shfrytëzoni sa më mirë neuroplastikitetin e trurit tuaj. Shtrijini krahët dhe mendoni për një gjë që ju jeni mirënjohës që keni, ose shtrijini këmbët dhe mendoni për një person që jeni mirënjohës që njihni. Kjo praktikë mirënjohjeje lidhet me aktivitetin në zonat e trurit që stimulon dopamina (neurotransmetuesi i mirë).
15. Meditoni!
Gelong Thubten thotë se:
Meditimi ndalon mendimet dhe emocionet stresuese që na kontrollojnë. Ekziston një keqkuptim që ju duhet të pastroni mendjen tuaj nga gjithçka për të medituar. Sa më shumë që provoni dhe i largoni mendimet, aq më fort ato bërtasin. Ju thjesht përqendroni mendjen në frymëmarrjen tuaj ose në ndjesitë fizike për një periudhë të shkurtër.
16. Mbyllni telefonin!
Thubten thotë se:
Ne kalojmë mesatarisht 148 minuta në telefonët tanë çdo ditë. Ky është një shembull se si mendjet tona janë tepër të zëna dhe kjo na bën të ndihemi të mbingarkuar. Caktoni një kohë pa telefon kur jeni në vakte me miqtë ose familjen, ose kur jeni duke parë një film.
17. Thojini “JO” rrjeteve sociale.
Dr. Tang thotë se:
Fshini çdo rrjet social për disa kohë dhe llogarisni vetëm ato gjëra që kontribuojnë pozitivisht në jetën tuaj.
Kërkimet nga Universiteti i Pensilvanisë theksojnë se si armiqësia që buron nga mediat sociale ka një efekt negativ në shëndetin tonë fizik dhe mendor.
