Aktori i njohur Jean-Claude Van Damme, i ka bërë një dedikim special futbollistit shqiptar Adnan Januzaj.
Van Damme ka publikuar në llogarinë e tij zyrtare në Instagram një fotografi, ku shfaqet duke bërë simbolin e shqiponjës me duar.
“Një falënderim i madh për Adnan Januzajn, që siguroi fitoren me golin e djeshëm në Kampionatin Botëror, për ekipin e Belgjikës”,-shkruan aktori Jean-Claude Van Damme në Instagram.
Theksojmë se aktori hollivudian sapo ka mbërritur në Shqipëri së bashku me kolegun e tij Mel Gibson për të xhiruar disa skena për filmin e tyre më të ri aksion.
