Esto është një këngëtar dhe autor këngësh i njohur dhe muzika ku identifikohet më shumë është ajo pop.
Këngëtari i ri në tregun muzikor ishte sot i ftuar në ‘Live From Tirana” me Genta Hodo dhe Elios Shuli.
Ndërsa folën për fillimet e tij, duhet të theksojmë se Estto dikur ka qenë një ndër DJ-të më të njohur në Kosovë. Ai jeton në Pejë, ndërsa ka qenë pjesë e disa projekteve shumë të suksesshme të grupit NRG Band.
Së fundmi, i riu pejan ka vendosur ta sprovojë veten edhe në këndim, duke realizuar kështu coverin e tij të parë, këngën “Hold On We’re Going Home” të rap aristit të njohur Drake.
Në një intervistë për Top Albania Radio, Estto ndau disa nga detajet më interesante të projekteve të tij muzikore, një ndër to ishte edhe kënga “Më fal” të cilën nuk kishte arritur që ta këndonte në Festival:
Gjithmonë këtë këngë e kam ruajtur për festivalin, por që nuk doli asnjëherë në festival. Mundësi patëm, faktikisht ishim në konkurim, por u tërhoqa nga aty dhe më mirë thashë ta nxjerr këngën videoklip sesa të mos vlerësohej…
Estto nuk e përcaktoi se për cilin festival bëhet fjalë, por mendohet se e ka për “Këngën Magjike”.
