Një artist danez është urdhëruar të kthejë pothuajse 500,000 krona (67,000 euro) në muzeun Kunsten në Aalborg pasi ai u dorëzoi atyre dy piktura bosh si pjesë e një projekti që ai e quajti “Merr paratë dhe vrapo”. Muzeu Kunsten synonte që artisti Jens Haaning t’i inkorporonte ato kartëmonedha në dy veprat e tij në vitin 2021.
Në vend të kësaj, ai dorëzoi dy kanavacë krejtësisht bosh dhe deklaroi: “Vepra ime është se ua mora paratë“. Gjykata tani e ka urdhëruar që t’i kthejë paratë, megjithëse mund t’i mbajë disa për shpenzimet e veta. Drejtori i muzeut Lasse Anderson zbuloi se ai qeshi me zë të lartë kur pa për herë të parë dy kanavacat bosh në vitin 2021 dhe vendosi t’i shfaqte veprat gjithsesi. “Kjo e emocionoi stafin tim dhe më bëri pak nervoz, por gjithashtu qesha sepse ishte vërtet qesharake,”-tha Anderson për BBC në 2021.
