Dëgjo live TOP ALBANIA RADIO
Dëgjo live TOP GOLD RADIO
Dëgjo live MY MUSIC RADIO
Voto në THE TOP LIST
Health & Beauty Lifestyle

Gjumi i meshkujve dhe hëna e plotë, çfarë i lidh me njëra-tjetrën?

Gjumi i meshkujve mund të ndikohet negativisht nga cikli hënor, ndërsa ai i grave mbetet më i rregullt. Hëna, e cila është studiuar prej kohësh për të kuptuar nëse ndikon në sjelljen tonë në ndonjë mënyrë, mund të shqetësojë vërtet gjumin, të paktën atë të burrave.

Ky është përfundimi i një studimi të kryer nga Universiteti i Uppsala në Suedi, i cili konstaton, për herë të parë, se cikli hënor ndikon në gjumin e meshkujve më shumë sesa te gratë. Christian Benedict, kreu i studimit dhe studiues në Departamentin e Neuroshkencës në Universitetin Uppsala u shpreh se:

Ne regjistruam të dhëna të ndryshme gjatë gjumit të një nate të 492 grave dhe 360 burrave, të moshës midis 22 dhe 80-vjeç, që jetonin në Uppsala, duke vënë në dukje se cilësia e gjumit të mashkullit u përkeqësua gjatë netëve pas hënës së re deri në ditën e hënës së plotë, ndërsa ajo e femrave ishte më e mirë. Në veçanti, burrat, por jo gratë, treguan më pak efikasitet të gjumit dhe ishin më pak në gjumë të thellë.

Pse cikli i Hënës duhet të ndikojë në cilësinë e gjumit?

Një hipotezë e studiuesve suedezë lidhet me dritën më të madhe të diellit që sateliti ynë, në disa nga fazat e tij, reflekton drejt Tokës në orët në të cilat ne zakonisht shkojmë për të fjetur. Dhe nëse kjo shqetëson netët e meshkujve më shumë, kjo ndodh sepse truri i meshkujve mund të jetë më i ndjeshëm ndaj dritës së ambientit sesa femrat.

Rezultatet e rastësishme?

Disa studime kanë hetuar lidhjen midis ciklit hënor dhe cilësisë së gjumit, por rezultatet janë gjithmonë konfliktuale. Disa raportojnë një korrelacion, të tjerët jo. Studiuesit thonë se:

Në këto raste shkaqet mund të kenë qenë të ndryshme, për shembull që disa të dhëna ishin të rastësishme. Për më tepër, ne kemi marrë parasysh gjithashtu problemet kronike të pagjumësisë dhe ashpërsinë e apneas obstruktive të gjumit, e cila përfshin një ulje të sasisë ose cilësisë së gjumit.

Benedict shton:

Fakti mbetet që edhe rezultatet e studimit tonë duhet të merren me kujdes, edhe nëse vëzhgimet tona kanë regjistruar një lidhje të gjumit mashkullor me ciklin hënor, ne ende nuk mund të themi me siguri se ekziston me të vërtetë një lidhje direkte.

Edhe pse një gjumë i dobët i natës mund të ndikojë në shëndetin tuaj, pamjen dhe cilësinë e përgjithshme të jetës tuaj, 35% e të rriturve flenë më pak se 7 orë në natë. Ndërsa shqetësimet dhe stresi mund të ngatërrojnë trurin tuaj dhe të shtojnë netët e shqetësuara, ka disa zakone të përditshme ku mund të ndikojnë që ju të bëni një gjumë më të mirë. Në këtë link zbuloni zakonet para gjumit ia vlen të prishen për hir të një gjumi të mirë gjatë natës.