Ish-presidenti Donald Trump ka ndërmarrë hapin e radhës pas vendimit të dhënë nga një gjykatë amerikane për t’i hequr imunitetin presidencial me qëllim ndjekjen penale mbi akuzat për komplot për të përmbysje të zgjedhjeve të vitit 2020.
Trump u ka dërguar një e-mail mbështetësve të tij për mbledhjen e fondeve, duke u bërë thirrje atyre që të “përfshihen” për t’i dhënë fund asaj që ai po e quan “gjueti shtrigash”.
E-maili i titulluar “Të largohem nga Presidenti Trump”, njofton mbështetësit se “momente më parë, gjyqtarët federalë sapo vendosën se unë nuk kam imunitet presidencial”.
“Ata nuk do të ndalen derisa të kenë kontroll të plotë”. Trump ka përdorur shpesh çështjet e tij të ndryshme ligjore për të grumbulluar mbështetje dhe para për fushatën e tij presidenciale 2024.
Ish-presidenti dërgoi një lutje të ngjashme për mbledhjen e fondeve në fillim të këtij viti, ndërsa ishte rrugës për në gjykatën e DC për të marrë pjesë në një seancë për të njëjtën çështje imuniteti.
Vendimi i Gjykatës përbën një pengesë për Trump, i cili për vite me radhë ka përmendur imunitetin presidencial ndërsa po luftonte me shumë akuza. Ish-presidenti pritet të apelojë kundër vendimit, që do të thotë se çështja mund të shkojë përfundimisht në Gjykatën e Lartë, ku konservatorët kanë një shumicë 6-3.
