Parlamenti britanik vendosi të mbyllë llogarinë në TikTok, pasi deputetët konservatorë dhe dy lordë shprehën shqetësime për mundësinë që media sociale kineze t’i kalojë të dhënat e përdoruesve qeverisë së Pekinit, pra Kinës, shtet i njohur për tensionet që ka me Perëndimin, sidomos me Amerikën. Shqetësimet gjenden në një letër dërguar kryetarit të Dhomës së Komuneve dhe Lordëve. Nënshkruesi i parë është deputeti konservator, Nus Ghani.
Krahas tij është edhe ish-kandidati për kryesimin e Partisë Konservatore, Tom Tugendhadt e ish-lideri i konservatorëve, sër Iain Duncan Smith, i njohur për qëndrime shumë kritike ndaj vendit aziatik. Në letër thuhet:
Perspektiva që qeveria kineze e Xi Jinping-ut të ketë akses në të dhënat personale, në telefonat e fëmijëve tanë duhet të jetë një shqetësim i madh!
Në Westminster u vendos që të pezullohej projekti pilot që kishte çuar në krijimin e një profili parlamentar për të tërhequr përdoruesit e rinj të rrjetit social në pronësi të kompanisë kineze Bytedance.