Rikthimi i Elvana Gjatës me albumin “Çelu” dhe këngën solo “Loti” ishte shumë i bujshëm dhe pati një sukses të vërtetë. Jo vetëm u prit mirë nga audienca duke fituar miliona klikime, por Elvana ka tërhequr edhe vëmendjen e artistes së njohur, Inna për të dytën herë.
Në herën e parë, këngëtarja rumune e cilësoi këngën “Loti” të Elvanës si ‘flori’. Kësaj rradhe, Inna ka treguar se është një fanse e vërtetë e këngëve të këngëtares sonë, pasi ka publikuar një video në Instastory në llogarinë e saj në Instagram. Në atë video, Inna shfaqet duke kënduar “Loti-n” me disa shoqe të sajat në makinë.
Jo vetëm kaq, por bukuroshja rumune ka folur dhe pak shqip në mbishkrimin e videos, ku ka shkruar:
Shqipja jote tingëllon shkëlqyeshëm. Kur pe knon shqip më kënaq!
Elvana i ka ripostuar këto story ku shfaqet shumë e emocionuar për mbështetjen e këngëtares rumune.