Për shumicën e foshnjave, fjalët e tyre të para janë zakonisht mami ose babi, por kjo sigurisht nuk ishte rasti për Princin Louis. Sipas nënës së tij, Dukeshës së Kembrixhit, 3-vjeçari kishte fjalët e para shumë më të pazakonta dhe të gjitha vinin nga dashuria e saj për të pjekur.
Duke u shfaqur në emisionin e pjekjes në BBC për një episod special të Krishtlindjeve në vitin 2019, Kate zbuloi se fjalët e para të fëmijës së saj më të vogël ishin “Mary Berry”. Kate u shfaq në shfaqjen e quajtur “A Berry Royal Christmas” së bashku me Mary dhe bashkëshortin e saj Princ William kur ajo tha se Louis po mësonte të fliste duke përdorur librat në raftin e saj të librave.
Një nga fjalët e para të Louis ishte “Mary” sepse pikërisht në lartësinë e tij janë të gjithë librat e mi të gatimit në kuzhinë. Fëmijët janë vërtet të magjepsur nga fytyrat, dhe fytyrat tuaja janë në të gjithë librat tuaj të gatimit dhe ai do të thoshte: “Kjo është Mary Berry”. Kështu që ai patjetër do t’ju njohë nëse do t’ju shihte.
Louis aktualisht po ndjek hapat e motrës së tij më të madhe Princesha Charlotte duke ndjekur Çerdhet Willcocks. Vitin tjetër, pasi të ketë mbushur katër vjeç, ai do të bashkohet me Charlotte dhe vëllain Princ George në shkollë. Për shkak të moshës së tij të vogël, Louis ka bërë vetëm disa paraqitje në publik dhe ende nuk ka shkuar në një tur mbretëror.
Kujtojmë se si pjesë e dëshirave të William dhe Kate për t’u dhënë atyre një edukim sa më normal, sapo të kalojnë nëpër portat e shkollës fëmijët e tyre trajtohen si çdo fëmijë tjetër. Dyshja duket se veç detyrimeve të tyre zyrtare, janë poashtu prindër shumë të dashur dhe të përkushtuar.
