Gjatë kësaj jave shumë gjëra të bukura kanë ndodhur dhe normalisht që edhe fokusi ka qenë më i madh edhe tek personazhet e njohur. Përpos atyre shqiptarë por edhe të huaj që çdo ditë i mahnisin fansat dhe i surptizojnë me lajmet dhe të rejat e tyre. Dhe kjo gjë nuk ka si të shpëtojë sepse është pikërisht një nga rubrikat e preferuara të emisionit “Live From Tirana”, e cila quhet “Social Top 5” që ka nën vëzhgim të gjithë të famshmit.
Nuk ka si të mungojë kjo rubrikë e cila na jep më shumë detaje dhe informacione të reja në lidhje me yjet e botës së madhe të showbiz-it. Ne ju njohim me ecurinë e ndjekësve në rrjetin social Instagram në llogaritë e personazheve të njohur brenda shtatë ditëve. Ja se cilët janë personazhet që janë pëlqyer më shumë nga publiku gjatë kësaj jave.
Personazhet shqiptarë:
5- Aktori i humorit por njëkohësisht edhe vëllai binjak i Donaldit, Romeo Veshaj ka shtuar 6 mijë ndjekës këtë javë.
4- Artistja e njohur Ronela Hajati, e cila edhe do të përfaqësojë vendin tonë në “Eurovision” këtë javë ka shtuar gjithashtu 6 mijë ndjekës.
3- Vendin e tretë e zë banorja e “Big Brother VIP”, Einxhel Shkira e cila ka shtuar 9 mijë ndjekës.
2- Në vend të dytë qëndron Arjola Demiri, e cila ka shtuar 12 mijë ndjekës gjatë kësaj jave.
1- Vendin e parë e zë aktori por njëkohësisht edhe banori i “Big Brother VIP” Donald Veshaj. Ai ka shtuar plot 14 mijë ndjekës.
Personazhet e huaj:
5- Bukuroshja Olivia Rodrigo ndodhet në vendin e pestë për këtë javë. Ajo ka shtuar 1,6 milion ndjekës.
4- Vendin e katërt e zë artisti Maluma, i cili ka shtuar 2,8 milion ndjekës.
3- Në vend të tretë qëndron këngëtarja me famë botërore Jennifer Lopez, ajo ka shtuar plot 4 milion ndjekës.
2- Këngëtarja Ariana Grade është në vendin e dytë me 5 milion ndjekës të shtuar.
1- Në vend të parë në këtë “Social Top 5” qëndron artistja shumë e dashur Rihanna, e cila para pak ditësh konfirmoi edhe lajmin se është në pritje të ëmbël. Ajo ka shtuar 8 milion ndjekës.
