Lady Gaga dukej fenomenale teksa doli në Londër gjatë promovimit të “House Of Gucci” të premten. Këngëtarja 35-vjeçare, ishte e veshur me të zeza, me xhaketë dhe çorape të tejdukshme deri në kofshë, të zbukuruara me rreshta diamantesh vezullues.
Veshja e saj tërheqëse përmbante detaje në bel dhe shfaqte dekoltenë e saj gjithashtu. Gaga mahniti me veshjen që tërhiqte vëmendjen dhe shtoi çorape rrjete dhe një buzëkuq të kuq për të kompletuar pamjen dramatike.
Ajo mbante flokët e saj bionde në një topuz të lëmuar të ulët të ndarë në mes teksa dilte nga hoteli i saj. Gaga fiksoi këdo me një vështrim intensiv dhe me besim shkoi drejt makinës së saj që e priste, me një çantë dore të zezë në krah.
Gaga luan Patrizia Reggiani në filmin e ri të Ridley Scott, një vështrim biografik në perandorinë e famshme të modës Gucci. Ajo gjithashtu luan së bashku me Al Pacinon, Salma Hayek, Adam Driver, Camille Cotten dhe Jeremy Irons në film.
Adam merr një rol kryesor si i ndjeri Maurizio Gucci dhe shfaqet së bashku me aktoren franceze Camille Cottin. Camille luan Paola Franchi në filmin e ardhshëm, një stiliste e brendshme, artiste, autore dhe ish-modele italiane, e cila ishte në një lidhje me Maurizio në kohën e vrasjes së tij në vitin 1995.