Dëgjo live TOP ALBANIA RADIO
Dëgjo live TOP GOLD RADIO
Dëgjo live MY MUSIC RADIO
Voto në THE TOP LIST
Lifestyle

Me vullnet çdo gjë arrihet! Ja çfarë rezultatesh do të keni nëse qëndroni disa ditë pa telefonin tuaj!

Pëshëndetje të gjithëve!

Si jeni? A keni arritur të përshtateni me rutinën tuaj të shkollës? Unë vendosa të bëja një eksperiment të vogël për veten time. Për të qenë i sinqertë, unë isha mjaft skeptik në lidhje me rezultatet në fillim, por ajo që ndodhi më vonë vërtet më mahniti!

Në një revistë, lexova se heqja e njoftimeve të telefonit mund t’ju bëjë më të qetë dhe më pak të stresuar, kështu që vendosa ta provoj. Në fillim, unë u tmerrova pak nga ideja për të fikur të gjitha njoftimet e telefonit tim. Gjithsesi, doja të sfidoja veten, kështu që i fika njoftimet e e-mailit tim së pari. Pastaj nisa me Facebook, Instagram, YouTube, TikTok. Mbyllja e WhatsApp-it tim ishte më e vështira.

Gjatë gjithë verës isha duke qëndruar zgjuar deri vonë, duke “lundruar” në burimet e mia në mediat sociale dhe duke parë video qesharake në YouTube. Por tani që jam kthyer në shkollë, e di që duhet të bëj diçka në lidhje me rutinën time të gjumit. Shpresoja që fikja e njoftimeve të mia do të më ndihmonte duke filluar nga dita e parë, por në natën e parë të eksperimentit tim, nuk mund të më zinte gjumi.

Më dukej se diçka mungonte dhe mendimet po më përshkonin në kokë. Gjithsesi, unë e vazhdova këtë sfidë dhe u befasova shumë kur fillova të vërej se gjërat po bëheshin më mirë çdo ditë!

Ja se si jeta ime ndryshoi vetëm 10 ditë pasi fika telefonin tim:

1.Më në fund arrita të përshtatem me rutinën time të kthimit në shkollë.
2.Ndihem i qetë, edhe pse fillimi i vitit shkollor është zakonisht shumë stresues. Në fakt nuk ndihem i stresuar.
3.Koha ime para ekranit u zvogëlua në mënyrë dramatike. Kalojë më pak kohë duke parë telefonin tim dhe tani mund të gjej mënyra më të mira për të përdorur kohën e lirë. Tani do të preferoja të shëtisja ose të lexoja një libër në vend që të përpiqesha të kapja trend-et më të fundit në TikTok.
4.Tani është e lehtë për mua të përqendrohem në studimet e mia. Mrekullitë ndodhin kur telefoni juaj nuk ju tërheq vëmendjen çdo minutë. Rezulton se unë mund të punoj në një ese për një orë rresht pa u shpërqendruar.
5.Kanë kaluar 10 ditë nga fillimi i eksperimentit tim dhe për të qenë i sinqertë, nuk dua të ndalem. Sa i përket aplikacioneve kam një periudhë të caktuar kohe gjatë ditës kur i kontrolloj shpejt të gjitha dhe i mbyll. Do të shohim se ku do të më çojë ky eksperiment, por tani për tani dua ta vazhdoj jetën time të qetë pa njoftimet e telefonit që shfaqen në ekran çdo sekondë.

Burimi: “Bright Side”