Të japësh autografe, të bësh selfie me fansat dhe të kesh një linjë veshjesh të cilat të gjithë mund t’i blejnë online është vërtetë bukur por a nuk keni dashur të provoni ndonjëherë lotët e tyre?!
Pikërisht për këtë është kujdesur Noah Cyrus e cila pak kohë më parë pati një ndarje të vështirë publike me të dashurin e saj Lil Xan.
Së fundmi, motra e këngëtares dhe aktores së famshme Miley Cyrus ka bashkëpunuar me “Pizza Slime” jo vetëm për bluza por së fundmi edhe për të shitur lotët e saj të vërtetë.
“E News” raporton se bukuroshja ka nxjerrë në shitje të limituar 12 pika loti të cilat mbartin vlerën e 12 mijë dollarëve. Mbrëmjen e kaluar ajo ka promovuar lotët e saj në një postim në Twitter duke thënë se kjo risi do të jetë e vlefshme vetëm për 48 orë prandaj të gjithë ata që duan t’i blejnë nuk kanë shumë kohë.
