Dëgjo live TOP ALBANIA RADIO
Dëgjo live TOP GOLD RADIO
Dëgjo live MY MUSIC RADIO
Voto në THE TOP LIST
Horoskopi Lifestyle

Na thoni çfarë shenje jeni, t’ju themi ku duhet të shkoni me pushime!

Tashmë që kufizimet e COVID-it janë lehtësuar dhe të gjithë ne mund të lëvizim lirshëm, keni mundësinë të zbuloni disa vende të cilat mund t’i vizitoni dhe të kaloni pushimet më të bukura të jetës suaj.
Sugjerimet për vendin tuaj ideal të pushimeve bazohen tek shenja juaj e horoskopit. Sipas karakteristikave tuaja, ku është vendi i duhur që ju duhet të udhëtoni këtë verë?! Për t’u larguar nga kjo vapë dhe për të mos u penduar për paratë e shpenzuara…

Dashi

Vendi perfekt për ju është Bhutan. Një shenjë plot energji që nuk mund të qëndrojë një moment qetësi, sigurisht që dëshiron vetëm festë ku të jetë vetë në rolin kryesor. Bhutan të jep mundësinë për një jetë aktive por dhe të qetësoheni e të lidheni me anën tuaj shpirtërore.

Demi

Dihet që ju jeni shumë të lidhur me natyrën, por jeta e qytetit me kaos ju lodh shumë, prandaj dëshironi që për pushime të relaksoheni me pamje mbresëlënse të natyrës. Kalifronia është vendi perfekt për ju, kjo prej kombinimit perfekt të natyrës, kaosit dhe ushqimit shumë të mirë.

Binjakët

Destinacioni perfekt për ju është qyteti i Berlinit. Aty ku muzika dhe arti bashkohen, një atmosferë e tillë është gjithçka që ju keni nevojë për të larguar të gjithë energjitë negative.

Gaforrja

Italia mund të themi se është vendi juaj, më së shumti Firenze. Aty ku ju mund të mund të kënaqni shpirtin tuaj romantik duke shijuar veprat e artit dhe arkitekturën e mrekullueshme që mbart.

Luani

Një shënjë si ju, plot pasion dhe krijimtari mund të kënaqet vetëm pranë zjarrit! Sri Lanka është vendi ku ju do të ndiheni si në universin tuaj. Një diversitet mjedisesh, nga qyteti i zhurmshëm duke vijuar në plazhet e qeta dhe kafshët e bukura që levizin në të.

Virgjëresha

Pasi jeni shumë të organizuar dhe dëshironi që çdo gjë që bëni të ketë një pasojë të mirë pas, destinacioni perfekt për ju është Afrika e Jugut. Nuk i preferoni shumë udhëtimet masive apo dinamike, dëshironi relaks dhe stabilitet por në të njëjtën kohë çdo ditë të jetë ndryshe, kështu që në këtë vend do të gjeni pikërisht atë që kërkoni!

Peshorja

Ekuilibri është gjithçka për ju! Parisi është ideali, ku mbizotëron eleganca dhe pak vibe ekzotik për të bërë kombinimin perfekt…

Akrepi

Misteri ju tërheq gjithmonë, ndaj ju duhet një vend ku të reflektoni shpirtin tuaj guximtar. Meksika është shteti juaj i zemrës, kjo sepse mbart një art të gjallë, një skenë arti që njihet botërisht dhe më së miri, ushqimin e shkëlqyer që zotëron. Një vend ku Akrepi do të shijonte çdo sekond dhe çdo metër të vendit.

Shigjetari

Një shpirt aventurier nuk mund të mos shkojë një herë për të vizituar vendin e lashtësisë, Perunë. Mrekullitë natyrore dhe mbretëritë antike bashkohen me njëra tjetrën duke krijuar një ambient që mbart përbërësit themelor për pushimet ideale.

Bricjapi

Jeni të prirur që çdo arritje në jetë ta keni profesionale dhe fokusi kryesor më së shumti është aty, por keni nevojë për pak ndryshim. Galapagos është vendi i përsosur që do t’ju plotësojë të gjithë nevojat tuaja.

Ujori

Dëshironi të jeni në qendër të vëmendjes dhe të mbani zgjuar energjitë tuaja. Barcelona është qyteti juaj, padyshim do t’ju zgjojë kuriozitetin tuaj, si dhe entuziazmi juaj do të jetë si kurrë më parë.

Peshqit

Fakti që jeni njerëz të ndjeshëm dhe plot imagjinatë, për më tepër shumë bujarë, tregon se duhet t’i kaloni pushimet tuaja në Brazil.
Zgjedhja e duhur për çdo nevojë tuajën, ku do të gjeni luksin midis palmave dhe ujërat e kristalta.