Më shumë se 100 nxënës të shkollës nigeriane janë rrëmbyer në qytetin veriperëndimor Kuriga, rreth orës 08:30 me orën lokale.
Sipas dëshmitarëve ata janë rrëmbyer nga dhjetëra persona të armatosur me motoçikleta të cilat kaluan nëpër shkollë. Nxënësit, nga mosha 8 deri në 15 vjeç, u morën peng së bashku me një mësues.
Dëshmitari okular tha se një nxënës u qëllua nga personat e armatosur dhe aktualisht po merr kujdes mjekësor në spitalin Birnin Gwari. Një zyrtar i qeverisë së shtetit Kaduna konfirmoi incidentin për BBC, por nuk dha detaje.
Bandat e rrëmbyesve, të njohura si banditë, kanë rrëmbyer qindra njerëz vitet e fundit, veçanërisht në veri-perëndim. Megjithatë, ka pasur një reduktim të rrëmbimeve masive të fëmijëve gjatë vitit të kaluar deri përpara se të ndodhte ngjarja e rëndë.
Në janar, banditët vranë një drejtor shkolle në zonë dhe rrëmbyen gruan e tij.
Bandat kriminale të rrëmbimit, që sjellin frikë në Nigerinë veriperëndimore, janë të ndara nga Boko Haram në veri-lindje, megjithëse ka pasur raporte se ata mund të kenë punuar së bashku me raste.
