Dëgjo live TOP ALBANIA RADIO
Dëgjo live TOP GOLD RADIO
Dëgjo live MY MUSIC RADIO
Voto në THE TOP LIST
Botë e Çuditshme Design

Një prej diamantëve më të mëdhenj në botë është zbuluar në këtë vend…

Një nga diamantët më të mëdhenj në botë është zbuluar në Botsvana. Guri i çmuar 1,098 karat, besohet të jetë diamanti i tretë më i madh “me cilësi të çmuar” i gjetur ndonjëherë, e cila iu paraqit Presidentit Mokgweetsi Masisi.

Zbulimi u bë në fillim të këtij muaji në minierën Jwaneng, rreth 75 milje nga kryeqyteti i vendit, Gaborone. Miniera operohet nga Debswana, një kompani diamanti në pronësi të përbashkët nga qeveria e Botsvana dhe Grupi De Beers.

Një llogari zyrtare e qeverisë në Twitter shkruajti se “të ardhurat nga diamanti do të përdoren për të çuar përpara zhvillimin kombëtar në vend”. Hapur zyrtarisht në 1982, miniera e Jwaneng zakonisht jep midis 12.5 milion dhe 15 milion karat diamante në vit. Gjetja e këtij muaji është perlë më e madhe e zbuluar nga kompania që kur diamantet u zbuluan për herë të parë në Botsvana në 1967.

Aktualisht, diamanti më i madh i regjistruar ndonjëherë është Diamanti Cullinan 3,106 karat, i gjetur në Afrikën e Jugut në 1905. Më pas Cullinan u pre në gurë më të vegjël, disa prej të cilëve formojnë pjesë të bizhuterive të kurorës së familjes mbretërore Britanike.

Zbulimi i dytë më i madh besohet të jetë Lesedi La Rona, një gur 1,109 karatësh i gjetur nga firma kanadeze Lucara Diamond në minierën Karowe, gjithashtu në Botsvana, në 2015. Diamanti iu shit argjendarit luksoz Graff për 53 milion dollarë dy vjet më vonë.

Duke folur për “CNN”, një bloger në industrinë e diamantit dhe argjendarisë, i tha CNN se vetëm “një grusht” i kompanive në botë dinë të “presin ekonomikisht” diamante kaq të mëdha. Rikujtojmë, se Kate Middleton, Dukesha e Cambridge në funeralin e Dukës së Edinburgh-ut u shfaq tepër elegante dhe plot hijeshi ndërsa mbante vënë vëthët me perla të mbretëreshës si dhe varësen e diamantit që monarkia i ka dhuruar më herët princeshës së ndierë Diana.