Brazili është toka e talentëve të mëdhenj sidomos kur bëhet fjalë për futbollistët. Pas Endrick që do të kalojë në radhët e Real Madrid, Palmeiras promovon një tjetër djalosh të datëlindjes së vitit 2007. Fjala është për Estevao willian Almeida de Oliveira Gonçalves, ose thënë ndryshe “Messinho”.
Ky i fundit ka një kontratë të vlefshme me Palmeiras deri në vitin 2026 si dhe një klauzolë largimi me vlerë 45 milionë euro. Barcelona është gati ta paguajë këtë shifër, por tashmë në garë është futur edhe Chelsea. Londinezët janë të gatshëm të shkojnë përtej kësaj klauzole dhe të paguajnë 50 milionë për të “djegur” spanjollët.
Kjo shifër do të ndaheh në dy pjesë, 30 milionë të paguara menjëhëre dhe pjesa tjetër në formën e bonuseve. Mbetet për t’u parë nëse te Palmeiras do ta pranojnë këtë formulë të anglezëve duke ditur që për Estevao Willian ka kërkesa të shumta nga e gjithë elita e Europës.
Nga ana tjetër, mbrojtësi i ri i Barcelonës, Pau Cubarsí, është shumë afër rinovimit të kontratës me Barçën. Sipas “El Mundo Deportivos”:
Drejtuesit “Blaugrana” dhe qendërmbrojtësi i ri 17-vjeçar kanë arritur tashmë një marrëveshje për çështjet që lidhen me rritjen e pagës, ndërsa mbetet vetëm për t’u specifikuar kohëzgjatja e kontratës së re.
Në konferencën për shtypin përpara ndeshjes kundër Valencias, trajneri Xavi Hernandez garantoi vazhdimësinë e De Jong dhe zbuloi se dëshiron huazimin e Vitor Roques. Rinovimi i Sergi Robertos, ndërkohë, varet nga ai vetë.
