Shumica e nishaneve në lëkurë zhvillohen deri në moshën 30-vjeç dhe sipas astrologjisë kineze, ato mund të kenë shumë kuptime të ndryshme në varësi të vendndodhjes së tyre.
Për shembull, një nishan në hundë do të thotë që ju jeni shumë punëtor, ndërsa një nishan në faqe përfaqëson ndershmërinë. Çfarëdo nishani që keni, më së miri besoni se ka një kuptim. Ja disa prej tyre:
Nishan në ballë.
Nishanet e ballit konsiderohen si një shenjë e prosperitetit. Një nishan në anën e majtë të ballit mund të thotë që ju keni pak fat dhe që mund të duhet të punoni pak më shumë për të arritur atë që dëshironi. Nëse keni një nishan në mes të ballit tuaj, kjo do të thotë mençuri dhe një shans më të madh për një martesë të suksesshme. Nishanet në anën e djathtë tregojnë që ju keni aftësinë për të qenë një shok i shkëlqyeshëm, qoftë në biznes apo martesë.
Nishan në faqe.
Nëse keni një nishan në faqe do të thotë se jeni të sinqertë, të ndjeshëm dhe ndonjëherë të ndrojtur. Por, kur situata e kërkon, ju ktheheni në një udhëheqës të patrembur. Një nishan në faqen e majtë do të thotë që ndonjëherë mund të dilni si arrogant, për shkak të natyrës tuaj introverte. Një nishan në faqen e djathtë do të thotë se ju jeni tepër të kujdesshëm dhe vendosni familjen mbi gjithçka tjetër.
Nishan pranë buzëve.
Ky nishan i veçantë është një shenjë e hijeshisë dhe elegancës. Pavarësisht nëse është në cepat e djathtë ose të majtë të buzëve të sipërme, ju aspiron të jetosh jetën në maksimum. Kalimi i kohës me miqtë dhe udhëtimet janë dy nga hobet tuaja të preferuara. Gjithashtu, një nishan në buzën e poshtme tregon që fëmijët tuaj kanë më shumë mundësi të jenë shumë të suksesshëm në çdo gjë që vendosin të bëjnë në jetë.
Nishan në hundë.
Nishanet e hundës përfaqësojnë vetë-respekt dhe se ju jeni një individ shumë i zellshëm. Edhe pse ndonjëherë të tjerët mund të mendojnë se keni një ego të madhe, ju konsideroheni si një mik i shkëlqyeshëm.
Të kesh një nishan në majë të hundës shpesh do të thotë se pendoheni që i keni thënë gjërat para se t’i mendoni mirë. Një nishan në anën e djathtë të hundës suaj paraqet një pasion të madh dhe nevojën për të krijuar një lidhje më të ngushtë me të tjerët. Sa për anën e majtë, kjo mund të tregojë për disa luftëra gjatë jetës tuaj, por më e rëndësishmja, duke e ditur që gjithmonë do të dilni në krye.
Nishan në shpatull.
Nëse ju ose dikush që njihni ka një nishan në shpatull, kjo do të thotë se ata janë zgjidhësa të shkëlqyeshëm të problemeve dhe një person me të vërtetë i përgjegjshëm që mund të trajtojë gjithçka që jeta u servir. Ndërsa ju kënaqeni duke ndihmuar të gjithë rreth jush, jini të kujdesshëm që të mos lejoni të tjerët të përfitojnë nga ju. Dhe mos harroni të vendosni veten tuaj së pari.
Nishan në mjekër.
Dhe së fundmi, nishan në mjekër. Këto nishane tregojnë se jeni të vendosur dhe të kujdesshëm. Ju gjithashtu mund të jeni pak kokëfortë ndonjëherë. Nishanet në anën e djathtë do të thotë që ju gjithmonë ndiqni të menduarit logjik. Sa për anën e majtë, ato përfaqësojnë një person që është i drejtpërdrejtë dhe nuk ka frikë të flasë.
