Lala Kent me të vërtetë mund të thotë se është “përsëri e lumtur” pas ndarjes nga ish-i fejuari Randall Emmett. Gjatë disa InstaStory-ve në rrjetin e saj social Instagram një fanse e pyeti yllin 31-vjeçar të “Vanderpump Rules” se si po “qëndron kaq e fortë” pas ndarjes.
Emmett i propozoi Kentit në shtator të vitit 2018, por planet e tyre të dasmës për vitin 2020 u shtynë për në vitin 2022 për shkak të pandemisë së vazhdueshme të koronavirusit. Dyshja, të cilët mirëpritën vajzën Ocean në mars të 2021 e ndërprenë fejesën tetorin e kaluar.
Në lidhje me pyetjen e bërë nga fansaja e saj, themeluesja e “Give Them Lala” shkroi:
Natyrisht që marr shumë forcë nga vajza ime, por përtej kësaj, mendoj se forca vjen duke ditur vlerën tënde, me apo pa dikë. Në momentin që pashë se kush ishte ai person në të vërtetë dhe maska më në fund kishte rënë, e dija se isha më mirë dhe ai nuk më meritonte kurrë. Kjo ndjenjë më dha fuqi. Edhe pse ka momente jo të mira, gjej forcë në faktin se jam përsëri e lumtur. E njoh përsëri veten në pasqyrë.
Pas ndarjes së tyre, Kent e ka akuzuar në mënyrë të përsëritur Emmett se e ka tradhëtuar atë me shumë gra.
Ka qenë një lloj sjelljeje e përsëritur për të cilën kam mësuar dhe kam marrë një mësim. Dhe nuk është vetëm një person janë shumë.
Që atëherë Kent i ka thënë PEOPLE se ajo ka “shumë pak komunikim” me Emmett ndërsa ata vazhdojnë të jenë bashkë si prindër për vajzën e tyre. Producenti i filmit ndan gjithashtu vajzat London dhe Rylee me ish-gruan e tij, Ambyr Childers. Aktualisht, Kent është duke qetësuar veten e saj nga e gjithë ajo situatë që iu desh të kalonte për shkak edhe të ish-partnerit të saj.
