Me uljen e temperaturave, është rikthyer dëbora në zonën e Korçës. Gjatë natës ka pasur reshje me intesitet mesatar në zonën e Dardhës ku trashësia e saj i ka kaluar 5 cm.
Në terren prej orëve të para të mëngjesit po punohet për pastrimin e aksit rrugor. Aktualisht këshillohet që qarkullimi të bëhet me goma dimërore dhe shpejtësi të reduktuar.
Në terren krahas mjeteve borëpastruese janë edhe patrullat e policisë rrugore që bëjnë këshillimin e drejtuesve të mjeteve.
Dëborë me intesitet të ulët ka edhe në Voskopojë si dhe në Qafën e Qarrit.
