Serena Williams dhe Alexis Ohanian organizuan një festë spektakolare për të zbuluar gjininë e fëmijës së tyre të dytë. Dyshja e ka ndarë lajmin me anë të një videoje të postuar në rrjetet sociale. Në sfond binin në sy balonat shumëngjyrëshe, një tortë e madhe dhe njerëzit që ndodheshin aty. Në mesin e fitueses së ‘Grand Slam’ dhe burrit të saj ishin vajza e tyre 5-vjeçare, miqtë e familjes dhe të afërmit e tjerë.
View this post on Instagram
Pasi u ndezën dritat blu dhe rozë, në fund u shfaq fjala “vajzë”. Rikujtojmë, se ylli 41-vjeçar i tenisit u martua me të dashurin e saj në nëntor 2017 dhe tashmë kanë një vajzë, Olimpia 5-vjeçare. Serena Williams është një nga atletet më të mira në botë dhe përveç kalimit të orëve të zgjatura në stërvitje, ushqimi është gjithashtu një pjesë e madhe e suksesit të saj në tenis. Një gjë që dimë për Serenën është se ajo është super e disiplinuar kur bëhet fjalë për ushqimin e saj.
