Shpërthim eksplozivi në Tiranë, fatmirësisht pa të lënduar, por me dëme materiale. Ngjarja ndodhi 15 minuta pas mesnate, rreth orës 00:15, në rrugën “Sami Frashëri”.
Paraprakisht, mësohet se lënda plasëse iu vendos një dyqani artikujsh kozmetikë, në sheshin Wilson në kryeqytet e që rezulton në pronësi të shtetases Enisa Pirolli. Policia dhe grupi hetimor po punojnë për zbardhjen e plotë të rrethanave, si dhe identifikimin e autorit apo autorëve.
Dëshmia e pronares mund të ndihmojë për të hedhur më shumë dritë mbi rrethanat. Ndërkohë, shpërthimi ishte i fortë dhe u ndje në të gjithë zonën përreth.
Tiranë/Informacion paraprak
Më datë 19.10.2022, rreth orës 00:15, në rrugën “Sami Frashëri”, në dyqanin kozmetik të shtetases E. P., dyshohet se ka shpërthyer një sasi lëndë plasëse. Si pasojë ka vetëm dëme materiale. Grupi hetimor po punon për zbardhjen e rrethanave të ngjarjes dhe identifikimin e kapjen e autorit.
