Po afron sezoni i parë i eklipseve për vitin 2023. Ky eklips diellor do të ndodhë në datë 20 prill në shenjën e Dashit, ndaj dhe ndikimi i Marsit luftarak do të jetë i rëndësishëm. Ja si do të ndikojë ky fenomen astronomik dhe astrologjik në shenjën tuaj të zodiakut:
Dashi
Me Marsin, sundimtarin e këtij eklipsi është normale të vini re probleme në shprehjen e emocioneve tuaja. Duhet të kuptoni se jeni më të fuqishëm nga se mendoni ndaj dhe mos u kompleksoni. Mendimi juaj ka vlerë, kështu që mos kini frikë t’i ndani opinionet me personat e dashur. Sa i përket karrierës, jeni në rrugën e duhur dhe kini besim tek vetja, pasi jeni destinuar për të qenë udhëheqës.
Demi
Kryefjala e këtij eklipsi është shërimi shpirtëror dhe ripërtëritja. Kini kujdes të mos tensionoheni me vëllezërit e motrat tuaja. Do të mendoni se ata po ju bëjnë ndonjë padrejtësi ndaj dhe do të ndiheni sikur po ju cënohet dinjiteti. Mos reagoni në mënyrë impulsive pasi mund ta përkeqësoni situatën.
Binjakët
Për ju po nis një kapitull krejt i ri dhe roli në familje dhe komunitet do të rritet. Kjo rrjedhimisht do të sjellë ndryshime pozitive në vetëbesimin tuaj. Nga ana tjetër, vazhdoni të keni problem parësor besimin tek njerëzit e tjerë dhe nuk ndiheni ende gati të hapni plotësisht zemrën tuaj.
Gaforrja
Filloni të merrni përgjegjësinë. Ky eklips ju thërret të merrni përsipër role më të rëndësishëm në karrierë dhe të punoni me veten. Mos e humbisni durimin dhe tregohuni të ftohtë në gjykim.
Luani
Prej disa kohësh keni nisur të keni frikë nga e panjohura dhe ka ardhur momenti të përballeni me frikën dhe pasiguritë. Mund të kujtoni një plagë nga e kaluara e cila do t’ju bëjë shumë emocionalë, kështu që nisni të menaxhoni këto ndjesi.
Virgjëresha
Ky eklips do të vijë pranë jush me ndryshime të cilat do të trondisin rutinat dhe do t’ju bëjnë të rishikoni prioritetet. Keni një plagë nga puna e shkuar e cila më në fund është drejt procesit të shërimit.
Peshorja
Do të keni probleme me figurat autoritare në punë dhe me fëmijët tuaj. Ndajini ndjesitë me ta në mënyrë që të mos keni konflikte afatgjata. Gjatë kësaj periudhe është gjithashtu e rëndësishme t’u vendosni kufij njerëzve të cilët kthehen nga e shkuara.
Akrepi
Eklipsi po sjell një ndryshim në rutinën tuaj të përditshme dhe mund të shërbejë si një detoks shumë i nevojshëm për ju dhe shpirtin tuaj. Mos kini frikë pasi yjet kanë një plan për ju. Merrni pak kohë për t’i kushtuar vëmendje mirëqenies suaj mendore dhe fizike.
Shigjetari
Ky eklips do të nxjerrë në hap fëmijën tuaj të brendshëm. Kjo do të sjellë kreativitet dhe produktivitet në karrierën tuaj. Nga ana tjetër, do të ndiheni të pambrojtur pasi do t’ju rikujtohen plagë që vijnë nga fëmijëria. Mos harroni se ato situata tashmë kanë kaluar ndaj dhe jepini vetes pak dashuri.
Bricjapi
Ky eklips do të jetë shumë personal për ju. Të rëndësishme do të jenë plagët sentimentale të cilat kanë ndikuar në mënyrën sesi e shihni veten dhe marrëdhëniet. Do t’ju duhet të merrni vendime të rëndësishme dhe të bëni kompromise edhe në familje. Merrni kohën që ju nevojitet dhe mos ndërmerrni asnjë hap pa ardhur maji.
Ujori
Për ju ka nisur një rrugëtim i ri. Bëjini detyrat tuaja me seriozitet dhe përpikmëri. Kini kujdes pasi mund të keni probleme shëndetsore të cilat vijnë nga lodhja. Gjatë kësaj periudhe do të përballeni me anën tuaj të errët dhe tek tipare të personalitetit të cilat nuk i pëlqeni tek vetja. Pranojeni veten ashtu siç jeni dhe vazhdoni përpara.
Peshqit
Çlirojeni veten nga komplekset dhe nisni të përqafoni individualitetin tuaj. Marsi do të nxjerrë në pah plagë të vjetra që lidhen me vetëbesimin. Jini më i dashur me fëmijën tuaj të brendshëm dhe pranojeni veten ashtu siç jeni. Me punën dhe të ardhurat financiare do të jeni më të stabilizuar nëse ndiqni një rutinë fikse.
