Aktorja e njohur Megan Fox ka shkruar një libër me poezi, në të cilin synon të zbulojë sekretet e meshkujve. Siç ka treguar aktorja përmes Instagramit të saj, është lodhur duke mbajtur sekrete të të tjerëve, ndaj ka ndërmend t’i ekspozojë të gjitha në librin e saj. Ylli i kinematografisë ka postuar një foto, me kopertinën e një libri, ku ka gojën e një gruaje të vizatuar, duke kafshuar një gjarpër. Libri i saj quhet: “Djemtë e bukur janë helmues”.
View this post on Instagram
“Këto poezi janë shkruar në një përpjekje për të hequr sëmundjen që kishte zënë rrënjë tek unë për shkak të heshtjes sime. Kam kaluar gjithë jetën time duke mbajtur sekretet e njerëzve. Trupi që dhemb nga pesha e mëkateve të tyre”,-ka shkruar aktorja duke shpjeguar qëllimin e librit të saj. “Liria ime vazhdon në këto faqe dhe shpresoj se fjalët e mia mund të frymëzojnë të tjerët që të marrin lumturinë dhe identitetin e tyre, duke përdorur zërin e tyre për të ndriçuar atë që është varrosur në errësirë, por që nuk është harruar,”-vazhdoi Fox.
