Modelja e famshme Elena Lika u bë sot pjesë e episodit të 38-të të #thuajemepepsi.
Bukuroshja rrëfeu detaje e këshilla për të gjitha vajzat e reja të cilat aspirojnë të bëhen modele. Sipas saj, kohët e fundit kushtet dhe pagesat për një modele të re janë përmirësuar që nga koha kur vetë Elena u bë pjesë e kësaj bote.
Ajo zbuloi se pagesa më e ulët që ka marrë në fillimet e saj ishte vetëm 5000 lekë të reja ndërsa ajo më e larta kapte shifrat e 1000 eurove. Ndërsa sot, modelet paguhen më tepër se kaq.
Rreth 8 vite duke punuar si modele, Elena tregoi se më në fund ka ardhur koha që ajo të shkëputet dhe të nisë një tjetër kapitull në jetën e saj profesionale.
Për të, të punuarit si modele është diçka që e ka ezauruar dhe tashmë është në hapat e parë të gazetarisë, për të cilën ajo ka përfunduar edhe studimet.
Edhe pse të jesh një modele kaq e famshme dhe e kërkuar vazhdon të jetë një mundësi shumë e bukur, Elena nuk mjaftohet me këto të ardhura aq më tepër pasi të arrijë tek të 30-at.