CEO i kompanisë së ‘Hartwig Masuch’ konfirmoi lajmin për ‘Rolling Stone’ me një deklaratë të ëmbël mbi karrierën legjendare të super yllit Tina Turner. Në marrëveshje, BMG bleu regjistrimet e Turner, së bashku me të drejtat e publikimit, të drejtat fqinje dhe emrin, imazhin dhe ngjashmërinë e saj.
Drejtuesi muzikor gjerman 67-vjeçar tha se:
Ne të gjithë e dimë sa ikonike është puna e Tina -s. Kur shikoni dimensionet që ka kaluar karriera e Tina edhe në vitet e fundit mes muzikaleve dhe dokumentarëve, ka ende aq shumë potencial të pashfrytëzuar me trashëgiminë e saj.
Duke folur për lajmet, Turner është shprehur vetë se:
Si çdo artist, mbrojtja e veprës së jetës sime , trashëgimia ime muzikore, është diçka personale. Kam besim se me BMG dhe Warner Music, puna ime është në duar profesionale dhe të besueshme.
Mbretëresha e ‘Rock ‘n’ Roll’-it u bë e famshme si gjysma e dyshes Ike & Tina Turner, para se të kalonte në një artiste solo të suksesshme me 20 këngë në Billboard Hot 100. Në fillim të këtij viti, jeta dhe puna e saj u përshkruan në dokumentarin e vitit 2021 me titull ‘Tina’.
Për më tepër, në film ajo diskutoi vitet e abuzimit të tmerrshëm që pësoi gjatë martesës me Ike. Në dokumentar, ajotregon edhe arsyen pse ajo vendosi të paraqitej në vitet 1980 për vitet e saj të abuzimit fizik, emocional dhe seksual nga Ike edhe pas ndarjes, intervistuesit këmbëngulën ta pyesnin atë për partneritetin e tyre. Në lidhje me këtë temë ajo është shprehur po vetë se:
Pas gjithë suksesit që kam pasur, njerëzit ende po flisnin për Ike dhe Tina. Nuk isha e interesuar të tregoja atë histori qesharake të turpshme të jetës sime. Por ndjeva se kjo ishte thjesht një mënyrë për t’i hequr gazetarët nga kurrizi.
Kohëve të fundit shumë dokumentarë në lidhje me jetët e yjeve të famshëm pritet të lançohen ose janë duke u xhiruar ende.
