Më në fund është koha më e bukur e vitit – dhe jo, nuk e kam fjalën për Vitin e Ri. Ky më në fund ka mbaruar dhe më në fund po ikim nga urimi “Gëzuar Vitin e Ri” sa herë që takojmë dikë. “Big Brother VIP 3” do të ketë premierën absolute të shtunën më 13 janar dhe këto janë 10 gjërat që do të bëja përpara fillimit.
Sigurohuni që të keni abonimin tuaj në Digitalb aktiv. Le ta pranojmë, nuk është bukur të shikosh “Big Brother” përmes videove të shkurtra në TikTok. Është gjithashtu koha që Shqipëria të paguajë për prodhime cilësore dhe t’ia shpërblejë kohën dhe mundin e të gjithëve.
Sigurohuni që t’i keni parë sezonet e kaluara. Kjo është opsionale, por është mirë të jesh i informuar. Krahasimi i konkurrentëve të kaluar me të rinj është gjithmonë diçka interesante.
Shikoni me kujdes klipet e tyre të prezantimit. Do t’ju bëjë përshtypje se sa shumë ndryshojnë të afërmit gjatë qëndrimit të tyre.
Organizoni një “viewing party”. Të shohësh “Big Brother” me miqtë është gjithmonë kënaqësi, megjithëse si dikush që përfshihet vërtet në gjërat që sheh, njerëzit që flasin ndërkohë nuk është gjëja ime.
Si dikush që është vërtet i zënë, unë mbështetem te @Baboon gjatë gjithë kohës. Shërbimi i tyre është i shpejtë dhe efikas, ata gjithashtu kanë oferta shumë të mira gjatë “Big Brother Prime”.
Preferoj ëmbëlsirat dhe për momentin jam e fiksuar pas bakllavasë dhe llokumit 🙂 E kam prirjen ta marr nga @Reka pasi më kujton atë të vjehrrës sime.
Gjeni një pije (që teoritë e konspiracionit të bëhen qesharake dhe të mos ju bëjnë të çmendeni). @Puro Wine Boutique ka disa nga përzgjedhjet më të mira të verërave për një njohës si unë. Shaka, me të vërtetë nuk e kam idenë se cila verë është më e mirë se tjetra dhe varem nga sugjerimet e tyre!
Vendosini fëmijët tuaj në shtrat. Emisioni nuk është për fëmijët dhe asgjë e frytshme nuk vjen në jetën e tyre.
Gjeni një shpërqendrim prej tij. “Big Brother” ka tendencën të prishë të gjitha aktivitetet tuaja dhe vetëm t’ju lejojë të përqendroheni në të. Megjithatë, ju duhet të mbështesni bizneset dhe aktivitetet lokale. Timeouttirana.al ka një larmi të madhe aktivitetesh që po zhvillohen në qytet.
Merrni frymë, është vetëm një emision televiziv. Mos lejoni që kjo të ndikojë në jetën tuaj dhe mos u bëni një bullizues në internet.
Nga sot, Sara Hoxha do të nisë editorialin e saj në Top Albania Radio. Producentja e “Big Brother VIP” dhe “Dancing With The Stars” do ju sugjerojë një listë me Top 10 gjërat e saj të momentit.
