Aktorja e njohur Jennifer Love Hewitt dhe bashkëshorti i saj Brian Hallisay kanë mirëpritur fëmijën e tyre të tretë, djalin, Aidan James Hallisay. 42-vjeçarja e dha lajmin në Instagram duke postuar një fotografi të mrekullueshme të barkut të saj shtatzënë të zbukuruar dhe përkrah saj shkroi:
Epo kjo është se si fëmijët e mi më dërguan në spital. Barku im u vu në qendër të vëmendjes. Thuhet se gratë i lënë trupat e tyre gjatë lindjes… ato udhëtojnë drejt yjeve për të mbledhur shpirtrat e foshnjave të tyre dhe kthehen së bashku në këtë botë. Ishte nderi im më i madh të shkoja dhe t’ju mblidhja ju Aidan James. Tani kthehemi te qetësia dhe pushimi.
Rikujtojmë, se Hewitt dhe Hallisey u takuan në xhirimet e “The Client List” dhe u martuan në nëntor 2013. Ardhja e fëmijës së tretë i bashkohet vajzës Autumn James, 7-vjeçe dhe djalit Atticus James, 6-vjeç. Majin e kaluar ylli i “Can’t Hardly Wait” zbuloi se të mbetesh shtatzënë ishte një surprizë e këndshme, veçanërisht gjatë pandemisë së COVID-19.
