Ashley Olsen është bërë nënë pasi mirëpriti në jetë fëmijën e parë me bashkëshortin Louis Eisner, një djalë të quajtur Otto. Asnjë detaj shtesë për lindjen e foshnjës nuk është bërë publike për momentin. Dyshja u martuan gjatë një ceremonie sekrete të mbajtur në një rezidencë private në Bel-Air më 28 dhjetor.
Burimet pohojnë se dasma ishte një ceremoni e vogël ‘me rreth 50 persona apo më shumë’ të pranishëm. Motra binjake e Ashley, Mary-Kate Olsen dhe motra e tyre më e vogël, ylli i Marvel, Elizabeth Olsen, mund të kenë qenë mes të ftuarve të pranishëm, shkruan DailyMail. Çifti kanë qenë të lidhur që nga fundi i vitit 2017 dhe u përfol se ishin fejuar në 2019.
Ashley dhe Louis janë shumë privatë për marrëdhënien e tyre dhe rrallë fotografohen së bashku. Dyshja bënë debutimin e tyre në tapetin e kuq në shtator 2021 pas katër vitesh së bashku. Ashley ndezi thashethemet për martesë pranverën e kaluar, kur ajo u pa me një unazë në gisht. Ylli u pa për herë të parë me Louis ndërsa merrte pjesë në Gala të Muzeut Hammer në Kopsht në tetor 2017. Dy vjet më vonë, një raport nga RadarOnline pohoi se lidhja e çiftit kishte nisur në fillim të vitit 2017 dhe ata ishin ‘shumë të dashuruar’.
