Policia ka dhënë detaje të tjera në lidhje me atentatin e ndodhur një natë më parë në oborrin e banesë së Gentjan Bejtjas.
Sipas uniformave blu nga ky atentat ka humbur jetën një 29 vjeçar dhe janë plagosur dy djemtë e mitur të Gentjan Bejtjas 13 dhe 10 vjeç.
Deri më tani me qëllim identifikimin dhe kapjen e autorit/ëve të dyshuar, shërbimet e Policisë kanë ushtruar 3 kontrolle në 3 banesa si dhe kanë shoqëruar 3 persona që mund të kenë dijeni për ngjarjen.
“Në lidhje me informacionin paraprak të dhënë mbrëmë, për ngjarjen e ndodhur në oborrin e banesës së shtetasit Gentjan Bejtja., ju bëjmë me dije se:
Ka ndërruar jetë si pasojë e plagëve të marra shtetasi Ramazan Sino, 29 vjeç, si dhe janë plagosur dhe ndodhen në spital, nën kujdesin e mjekëve, dy të mitur të moshës 13 dhe 10 vjeç, (nipat e viktimës).
Me qëllim identifikimin dhe kapjen e autorit/ëve të dyshuar, shërbimet e Policisë kanë ushtruar 3 kontrolle në 3 banesa si dhe kanë shoqëruar 3 persona që mund të kenë dijeni për ngjarjen.
Në përfundim të veprimeve hetimore në lidhje me ngjarjen, do të ketë një njoftim për shtyp në vijim”, thuhet në njoftimin e policisë.
vijon…
