A keni ndalur ndonjëherë të mendoni pse pini alkool? Është një arsye sociale apo ju pëlqen shija? Cilado qoftë arsyeja, nëse po kërkoni të reduktoni konsumimin e alkoolit, mund të jetë e dobishme të kuptoni pse pikërisht pini. Le të shohim disa nga arsyet e mundshme…
1. Përvojat e kaluara
Përvojat e kaluara me alkoolin ndihmojnë për të formuar vlerën aktuale të njerëzve dhe pritshmëritë që ata kanë nga pirja e alkoolit. Përdoruesit e alkoolit mund të kujtojnë përvojat e tyre të mëparshme pozitive me alkoolin dhe kjo mund të rrisë motivimin e tyre për të pirë. Një përvojë negative do të bëjë të kundërtën.
2. Stresi
Njerëzit që kalojnë një periudhë stresuese në jetën e tyre mund ta vlerësojnë më shumë pirjen e alkoolit, sepse ai ndihmon në zbutjen e ndjenjave të tyre negative. Pirja largon, të paktën përkohësisht, stresin e ankthit.
3. Norma shoqërore
Normat sociale janë pritshmëritë e sjelljes brenda një komuniteti. Alkooli përdoret në ngjarje specifike dhe në kohë të rregullta për shembull, pritet që alkooli të shërbehet në shumicën e festave dhe dasmave.
