Duket se këngëtarja me famë ndërkombëtare, Dua Lipa vazhdon të distancohet nga reperi DaBaby. Kur DaBaby bëri disa deklarata homofobike gjatë performancës së tij në Rolling Loud në Miami në muajin korrik, fansat nxituan ta kritikonin reperin dhe industria e muzikës nuk mbeti shumë prapa. DaBaby u hoq nga organizimet e shumta të festivaleve, u anuluan shfaqje të shumta të tij dhe madje iu hoqën njohjet për hitin e tij të mrekullueshëm me Dua Lipa, “Levitating”.
Tani, pavarësisht suksesit të “Levitating”, Dua gjithashtu ka zgjedhur të lërë projektin jashtë shqyrtimit për edicionin e 64-të të ndarjes së çmimeve Grammy, që do të mbahet më 31 janar 2022. Në një raport të kohëve të fundit nga “Variety”, u diskutua mospërfshirja e “Levitating” në Grammy dhe besohet se Lipa e la projektin jashtë për t’u distancuar më tej nga DaBaby pas deklaratave të tij homofobike.
Duke iu përgjigjur pyetjes: “Ku është “Levitating” e Dua Lipës, kënga më e mirë pop e vitit”, Chris Willman i revistës “Variety” shkroi se Lipa ndoshta nuk donte t’i vinte fansat e saj në një situatë të vështirë.
Duhet të kishte qenë i pranueshëm si fakt, edhe pse ishte jashtë një albumi që ishte pretendent për çmime të shumta vitin e kaluar, sepse kënga pati ndikimin e saj të madh këtë vit dhe sepse ishte një remix i ri, me DaBaby si një artist i shtuar në projekt. Por Lipa me sa duket mund të kishte paraqitur vetëm DaBaby dhe kjo do të kishte qenë shumë për t’u kërkuar nga votuesit. Me shumë mundësi, Lipa po i shpëtonte fansat që duhet të ishin në dilemë për të zgjedhur mes dashurisë së tyre për të dhe frikës së tyre për t’i dhënë aprovimin një djali që ende konsiderohet toksik nga shumica e industrisë për komentet e tij homofobike.
