Barcelona po përpiqet të fitojë njëfarë qartësie për të ardhmen e mesfushorit Frenkie De Jong në muajt e ardhshëm, me një kontratë të re ose një shitje që janë dy rrugët që Barcelona ka hartuar për holandezin, i cili tashmë ai po tërheq interes nga klubet evropiane. Sipas gazetës Sport, me një pagë vjetore prej afro 25 milionë euro, Barcelona ose dëshiron të ulë pagën e tij në rreth 15 milionë euro me një kontratë të re, ose ta shesë atë këtë verë.
Tottenham parashikon mundësinë e nënshkrimit të Frenkie De Jong në merkaton e ardhshme të verës, me një ofertë që do të ishte rreth 60 milionë euro, sipas raportimeve në Angli. Edhe pse shanset që Barcelona të pranojë ta shesë mesfushorin për atë shumë duken të pakta, Spurs janë të gatshëm të testojnë vendosmërinë e klubit katalanas. De Jong është bërë një objektiv i lakmuar për disa klube të mëdha nëse vendos të largohet nga Barcelona. Edhe pse thashethemet vazhdojnë për largimin e tij, ka edhe indikacione se mesfushori mund të zgjedhë të qëndrojë në klub, pavarësisht se ende nuk ka nënshkruar kontratën e re që iu ofrua tre muaj më parë.
Situata financiare e Barcelonës mund t’i bëjë ata të marrin në konsideratë ofertat për lojtarë kyç si De Jong, megjithëse klubi mbrohet nga një kontratë me lojtarin deri në vitin 2026. Kjo mund të nënkuptojë se ata do të kërkojnë një shumë shumë më të lartë se 60 milionë euro. Pavarësisht pasigurisë, De Jong duket se ndihet rehat në Barcelonë, ku ka përmbushur një ëndërr personale duke luajtur për klubin. Megjithatë, presioni financiar mund të jetë një faktor përcaktues në vendimin e tij, veçanërisht nëse paraqitet një ofertë joshëse nga Premier League. E ardhmja e De Jong te Barcelona mbetet e pasigurt, por situata e tij mund të ndryshojë nëse klubi merr një ofertë që nuk mund ta refuzojë. Me interes nga Tottenham dhe klube të tjera të nivelit të lartë, merkato e verës premton të jetë emocionuese për mesfushorin e talentuar holandez.
