Aktorja dhe modelja afrikano-jugore Charlbi Dean ka ndërruar jetë në moshën 32-vjeçare. Mediat ndërkombëtare bëjnë të ditur se Dean që fitoi ‘Palmën e Artë’ në Kanë këtë vit me “Triangle of Sadness”, ndërroi jetë në një spital të Nju Jorkut “nga një sëmundje e papritur”. Përpara se të luante me Harris Dickinson dhe Woody Harrelson në satirën e egër të kapitalizmit të Ruben Östlund, e cila do të shfaqet në kinematë amerikane më 7 tetor, Charlbi bëri emër për pjesën e Syonide, një personazh i përsëritur në serialin komik DC. Comics ‘Rrufeja e Zezë’ në CW.
Në “Triangle of Sadness”, aktorja e re kishte pjesën e modeles Yaya, një nga të ftuarat për një lundrim në një superjaht luksoz, drejtimi i të cilit është nga një marksist i pakalueshëm dhe që përfundon në mënyrë katastrofike me të mbijetuarit e braktisur në një ishull të shkretë. Rikujtojmë se Charlbi ka lindur në vitin 1990 në Cape Town. Ajo bëri debutimin e saj si modele në moshën 6-vjeçare dhe në kinema në moshën 10-vjeçare në komedinë ‘Spud’ me John Cleese dhe Troye Sivan.
Më pas ajo u shfaq në filmat ‘Death Race 3: Inferno’ (2013), ‘Blood in the Water’ (2016), ‘Don’t Sleep’ (2017) dhe ‘Porthole’ (2018). Si modele ajo kishte punuar për fushatat Guess, Benetton dhe Ralph Lauren. Në vitin 2008, ajo i mbijetoi një aksidenti të rëndë automobilistik që e la me kocka të thyera dhe një pneumotoraks. Nuk ka ende asnjë tregues për sëmundjen që ka qenë fatale për të.
