Policia e Jaipur të mërkurën bëri të ditur diçka të pazakontë. Teksa në një gjykatë ishte duke u gjykuar rasti i vrasjes së Shashikant Sharma nën vëzhgimin e policisë Chandwaji. Në stacionin e policisë kanë humbur provat e vrasjes për shkak të pakujdesisë së një polici. Ata thanë se polici në detyrë u pezullua pas incidentit, i cili më vonë doli në pension.
Policia dha shpjegimin e saj pasi gjykata lëshoi një njoftim për zyrtarët e lartë të policisë pasi ata njoftuan gjykatën se çantën që përmbante provat ishte marrë nga majmunët. Mund të duket çudi por është e vërtetë. Gjatë kohës që provat do të paraqiteshin majmuni mesa duket i ka marrë dhe gjithçka është zhdukur.
Pasi në gjykatë kishte ardhur momenti për të kërkuar provat, vetë policia kishte njoftuar se pakoja që përmbante plot 15 prova përfshirë edhe thikën e përdorur për vrasjen, ishte marrë nga majmunët. Në shtator të vitit 2016, trupi i një të riu të quajtur Shashikant Sharma, i cili ishte zhdukur për tre ditë, u gjet në një qendër shëndetësore parësore në zonën e stacionit policor Chandwaji të Jaipur. Pas gjetjes së trupit, të afërmit dhe të tjerët bllokuan autostradën Jaipur-Delhi.
Nën presionin e komunitetit, policia arrestoi dy burra pesë ditë më vonë, të cilët u akuzuan për vrasje. Provat kryesore në këtë rast, duke përfshirë një thikë që besohet se është përdorur nga të dyshuarit, u vendosën në një pako, gati për t’u përdorur në gjykatë kur çështja të shkonte në gjyq.
