Nëse një fëmijë ankohet shpesh për lodhje, përveç mungesës së gjumit mund t’i mungojë vitamina B12. Siç shpjegojnë mjekët pediatër, lodhja mund të jetë shenjë e mungesës së vitaminës B12, për të cilën fëmija ka nevojë kryesisht për prodhimin e qelizave të kuqe të gjakut.
Përveç kësaj, shumë studime tregojnë se kjo vitaminë është përgjegjëse për ruajtjen e sistemit nervor funksional. Për shkak se mungesa e B12 ndikon negativisht në sistemin nervor qendror, njerëzit me nivele të ulëta ose të mangëta të B12, mund të kenë vështirësi të përqendrohen dhe të kryejnë detyrat.
Ndryshe nga vitaminat e tjera, B12 nuk është e pranishme në fruta dhe perime, sepse bimët nuk e prodhojnë atë. Në vend të kësaj, fëmija mund ta marrë më shpesh përmes mishit, kryesisht pulës ose gjelit të detit dhe produkteve të qumështit. Në rast të mungesës së kësaj vitamine, fëmijët më së shpeshti ankohen për lodhje, kanë lëkurë të zbehtë të fytyrës, dobësi të muskujve, probleme me përqendrimin ose kujtesën, si dhe çrregullime të tretjes si diarre, kapsllëk, fryrje, gazra dhe simptoma të tjera gastrointestinale.
Këto probleme mund të prekin si të rriturit ashtu edhe fëmijët. Dhimbjet e kokës janë ndër simptomat më të shpeshta të raportuara që lidhen me mungesën e B12, si te të rriturit ashtu edhe te fëmijët. Vjeshta është një stinë që sjell ndryshime të dukshme në klimë dhe temperaturë, dhe me këto ndryshime rritet edhe nevoja e trupit për vitamina dhe minerale të caktuara. Vitamina C është e rëndësishme për forcimin e sistemit imunitar dhe mbrojtjen nga infeksionet.
