Përqafimi me një mace ose qen gjatë natës mund të përmirësojë vërtet gjumin tuaj, të paktë kështu sugjeron sondazhi më i fundit britanik ‘OnePoll’ i cili pyeti dy mijë pronarë të kafshëve shtëpiake amerikane dhe zbuloi se shtatë në dhjetë persona që ndanin një shtrat me kafshën e tyre të preferuar e kishin si ‘terapi’ për të fjetur natën. Gjysma madje thanë se të qenit pranë maces ose qenit ulte stresin dhe ankthin e tyre.
Studimet e mëparshme sugjerojnë se ndarja e një shtrati me kafshët shtëpiake i bën njerëzit të ndihen më rehat dhe të sigurt në shtrat. Mund të përmirësojë gjithashtu shëndetin e tyre mendor. Mjekët këshillojnë shtatë deri në nëntë orë gjumë çdo natë, por vlerësimet sugjerojnë se një e treta e amerikanëve nuk po arrijnë të bëjnë kaq shumë.
Kjo i lë ata në rrezik të kushteve kronike, duke përfshirë sëmundjet e zemrës, obezitetin dhe depresionin. Anketa zbuloi gjithashtu se gjysma e pronarëve të kafshëve shtëpiake e kishin më të lehtë të qetësoheshin natën kur qeni ose macja ishte pranë tyre. 58% e të anketuarve preferuan të kalonin natën me kafshën shtëpiake se sa me partnerin e tyre. Kishte edhe nga ata pronarë që thanë se gjumi i tyre ishte ndërprerë nga një kafshë shtëpiake mesatarisht dy netë në javë.
Gjashtë në dhjetë fajësuan gjithashtu kafshët e tyre shtëpiake se i bënë të ndihen të mbinxehur në shtrat. Një numër në rritje studimesh kanë sugjeruar se gjumi me një kafshë shtëpiake mund të ndihmojë në cilësinë e gjumit të dikujt. Një studim i botuar vitin e kaluar gjurmoi modelet e gjumit te fëmijët e moshës 13 deri në 17 vjeç për dy javë, me një të tretën e tyre duke fjetur me një kafshë shtëpiake.
Studiuesit në Klinikën Mayo, në Rochester, Minesota, arritën në përfundimin:
Mund të ketë një rehati të konsiderueshme psikologjike kur keni kafshën tuaj afër, gjë që mund të ndihmojë në fillimin dhe ruajtjen e gjumit.
Një studim tjetër midis 900 grave amerikane i kryer në vitin 2018 zbuloi se gjumi me një kafshë shtëpiake mund t’i ndihmojë ato të ndihen më rehat dhe të sigurta në shtrat. Ekspertët zbuluan se qentë ishin të lidhur me një nivel më të ulët të shqetësimit të gjumit të perceptuar dhe ndjenja më të forta rehati dhe sigurie në përgjithësi sesa partnerët njerëzorë.
Krijesat e pafajshme si kafshët shtëpiake bëjnë çmos për t’u pastruar duke përdorur gjuhën dhe dhëmbët. Së fundmi një studim i ri po u kërkon pronarëve të qenve që të ndalojnë lejimin e qenve të tyre që t’i lëpijnë dhe madje të lajnë duart pasi i përkëdhelin pasi kjo mund të jetë një burim i superbaktereve rezistente ndaj antibiotikëve.
