Sot gjermanët do të zgjedhin parlamentin federal, Bundestagun. .Rreth 60.4 milionë gjermanë do të votojnë sot për Bundestagun e 20 -të, pas 16 vitesh nën drejtimin e Merkel. Më shumë se 31 milion votues janë gra dhe rreth 29 milion burra. 87 parti politike kërkuan lejen e autoriteteve për të marrë pjesë në këto zgjedhje, nga të cilat 53 morën leje. Vetëm 7 prej tyre pritet të marrin 5% e kërkuar për të votuar në Bundestag. Një garë e hapur por e vështirë për t’u depërtuar. Fitorja e zgjedhjeve gjermane nuk është thjesht për të poseduar titullin ‘kancelar’ por për të ndjekur gjurmët e domuninantes politike Merkel.
Kandidatët:
Armin Laschet, garuesi i parë tejet i vrullshëm i cili e siguroi kanditaturën e tij duke mundur rivalin e tij Markus Söder. Megjithatë Laschet e dëmtoi reputacionin e tij kur u kap në Korrik në kamera duke qeshur ndërsa presidenti i Gjermanisë mbajti një fjalim në një qytet i cili ishte shkatërruar kryesisht nga përmbytjet katastrofike. Sidoqoftë, pakujdesia e tij e korrikut nuk e ka lënë jashtë garës. 60-vjeçari Laschet udhëheqësi i Kristian Demokratëve, është ende një ndër garuesit kryesor në Gjermani.
Annalena Baerbock, e vetmja grua në garë për të pasuar Angela Merkel, është kandidatja e parë e Gjelbër për kancelarë. Baerbock kurrë nuk ka mbajtur një post ministror, por argumenton se prandaj ajo është e panjollë nga politika gjermane e “status quo”, të cilën ajo dëshiron ta transformojë. Lëvizja e saj e ‘Gjelbër’ u rrit në sondazhe, 25%. Sidoqoftë, reputacioni i saj u prish kur u akuzua për plagjiaturë dhe mbushje të CV -së së saj. Shanset që Baerbock të jetë kancelarja pasuese e Merkel janë të pakta krahasuar me garuesit e tjerë por partia e saj është në rrugën e duhur për të hyrë në qeveri.
Olaf Scholz 62 vjeç, ka pasur një seri postesh të larta në politikën gjermane. Ai aktualisht është ministër gjerman i financave dhe zëvendës i kancelares Merkel.
Ndryshe nga Laschet, shanset e tij për t’u bërë kancelar janë rritur gjatë fushatës elektorale. Ai ka shërbyer për herë të parë si deputet nga viti 1998 deri në 2011. Pas një periudhe të suksesshme si kryebashkiak i Hamburgut (2011-2018), kur ri ekuilibroi financat e trazuara të qytetit, ai u kthye në Bundestag.
Ai vjen nga Osnabrück në Gjermaninë veriperëndimore dhe hyri në politikë si udhëheqës i Rinisë Socialiste, pasi kishte studiuar të drejtën e punës. Në radhët e SPD ai shihet si një konservator. Zgjedhjet e Gjermanisë do të zhvillohen ditën e dielë.
Sondazhi:
Një sondazh i fundit, i publikuar dy ditë para zgjedhjeve (24.09.) i institutit demoskopik Allensbach i sheh socialdemokratët dhe konservatorët thuajse me mbështetje të barabartë, me 1 përqind diferencë (26/25%). Socialdemokratët kanë kryesuar katër muajt e fundit në shumicën e sondazheve përballë konservatorëve, së fundi me një diferencë shumë të vogël, 2-3 përqind. SPD ka marrë te 25 përqind, CDU/CSU kanë marrë te 22-23 përqind. Por një diferencë kaq e vogël është brenda marzhit të gabimeve që mund të bëjnë sondazhet. Kështu që përfundimet e sondazheve këtë herë nuk na tregojnë shumë.
Pas 16 vitesh, Gjermania do t’i japë ‘lamtumirën’ qeverisjes së Merkel për të pasur një përfaqësues tjetër i cili do të vijë me detyrën e rëndësishme, të japë të njëjtin lidership si Angela Merkel.
