“Nga Londra në Tiranë, kryeqyteti dinamik i Shqipërisë, ky udhëtim nëpër Europë të ofron kënaqësi në çdo hap”. Kështu shkruan Rachel Mills në të përditshmen e njohur britanike “The Guardian”, sërish duke i bërë jehonë asaj që ofron vendi ynë për vizitorët. Mills bën një përshkrim të udhëtimit duke konstatuar edhe se “Tirana ka hedhur hapa të shpejtë”.
Kujtimet e mia kryesore duke lëvizur nëpër vendet me tren gjatë udhëtimit nga Londra në Shqipëri janë fshatrat e mbuluar nga shkëlqimi i këndshëm portokalli i perëndimit të diellit. Më kujtohen selvitë, fshatrat me çati të kuqe, kishat katrore, tokat bujqësore të ndara në ngastra të rregullta dhe vreshtat e vendosura në rresht.
I gjithë udhëtimi im Londër-Paris-Chambery-Torino-Bari-Tiranë me rruge tokësore dhe detare zgjati katër ditë.
Dita e parë: Londër – Chambéry
Dita e dytë: Chambéry – Torino
Dita e tretë: Torino – Bari
Dita (dhe nata) e katërt: Bari – Tiranë
Mbërrij në traget dhe nisem drejt Shqipërisë. Në mëngjes herët dalloj një qiell rozë përmes dritares së kabinës sime komode dhe shkoj në kuvertën e sipërme për të parë lindjen e diellit mbi panoramën e largët të Shqipërisë.
Pasi zbrita në Portin e Durrësit, një autobus për në kryeqytet qëndronte në pritje, por unë zgjodha një udhëtim pesëminutësh me taksi në qendër të qytetit dhe një mëngjesi me një ëmbëlsirë dhe ekspres në një rrugicë të mbushur me butiqe e palma.
Më pas mora autobusin publik me të cilin shkova në Tiranë dhe zbrita në një zonë urbane disa milje larg qendrës. Vetë Tirana është një zbulim. Hoteli ku unë u akomodova është një vilë madhështore me dhoma të bukura dhe dritare nga dyshemeja deri në tavan dhe ka një arkitekturë mahnitëse drejt qiellit në çdo rrugë aty pranë.
Piramida historike e Tiranës e cila qëndron si një simbol dhe monument për ndryshim është argëtuese për t’u ngjitur gjatë perëndimit të diellit.
Sheshi Skënderbej, një grumbull ndërtesash të ngritura në një rrethrrotullim në kohën e festimeve për të shënuar rënien e komunizmit në vitin 1992, tani është një hapësirë publike e shkëlqyer për këmbësorët.
Natyrisht, historia e Shqipërisë pas perdes së hekurt zbulohet në muzetë Bunk’Art 1 dhe Bunk’Art 2, bunkerët bërthamorë të paharrueshëm. Udhëtimi im përfundoi këtu dhe mesa duket Tirana ka hedhur hapa të shpejtë.
