Aktori i njohur George Clooney dhe bashkëshorja e tij Amal u nisën nga Sidney me avion privat për në ishullin Hamilton pas përfundimit të karantinës së detyrueshme 14-ditore që e kaloi në rezidencën e tij super luksoze prej 9 milion dollarësh. Të shoqëruar me dy fëmijët e tyre binjakë, Ella dhe Alexander, shkuan menjëherë në ishullin Hamilton në Queensland, ku ylli i Hollywood-it po xhiron filmin e tij të suksesshëm “Ticket to Paradise” me Julia Roberts.
Aktori 60-vjeçar shoqëronte vajzën e tij Ella në shkallët e avionit, ndërsa Amal mbante Aleksander në krahë. Bukuroshja dukej tepër elegante e veshur me një fustan të zi, sandale ngjyrë kafe dhe kapele dielli. Si aksesor kishte vendosur një çantë ngjyrë kafe që nuk kushton pak. Të dy mbanin gjithashtu maska mbrojtëse kundër COVID-19.
Ndërsa austriakët që kthehen çdo ditë janë të strehuar në hotele të drejtuara nga qeveria, për Clooney u bë një përjashtim dhe iu dha në një nga rezidencat më ekskluzive të NSW. Aktori qëndroi atje disa ditë së bashku me familjen e tij, përpara se të udhëtonte për në veri, në klimat më të ngrohta.
E vendosur në një pjesë të largët të qytetit me terrene të gjera dhe kopshte të zbukuruara, prona është disi një kështjellë brenda “Fortes Australi”. Rojet e armatosur patrulluan terrenin e jashtëm, ndërsa kuzhinierët, kamarierët, punonjësit e shtëpisë dhe kujdestarët vazhdonin punën e tyre brenda rezidencës. “Mount Robertson Farm” mund të rezervohet për dasma, mbledhje biznesi dhe madje është përdorur si vend xhirimi. Shtëpia u ndërtua me gur ranor të nxjerrë nga një kishë e vjetër në Glebe dhe përshkruhet si një kryevepër e ndërtuar në një kodër.
Rikujtojmë se, që nga viti 2002, aktori jeton në një vilë luksoze italiane. Ka 25 dhoma, një fushë tenisi, madje edhe një teatër të hapur. Clooney thotë se shpërngulja në Itali i ndryshoi krejtësisht jetën. Më në fund ai ishte në gjendje të pushonte pak nga vëmendja e mediave.
Gjithashtu, George Clooney ka pranuar se ai e ka shkatërruar plotësisht rolin e Batman në ‘Batman & Robin’ të vitit 1997. Aktori po reflekton edhe një herë mbi veprimin e tij të dështuar si superhero në portretin e Batman-it.
