Rajoni

Konflikti me Greqinë, Turqia kërkon ndërmjetësim nga BE-ja

Turqia kërkon ndërmjetësim nga Bashkimi Evropian për konfliktin e saj me Greqinë. Në një deklaratë zyrtare, Ankaraja i bëri thirrje Brukselit të jetë një “ndërmjetës i ndershëm” në mosmarrëveshjet e saj me vendin anëtar të BE-së, Greqinë.

Deklarata vjen dy ditë para samitit të Bashkimit Evropian, ku do të diskutohet edhe për përplasjen mes Turqisë dhe Greqisë, për kërkimet e gazit në një zonë të kontestueshme mes palëve në Detit Mesdhe.

Athina tani po bën presion për sanksione ndëshkimore ndaj Ankarasë. “Ne mund t’i zgjidhim problemet vetëm përmes dialogut dhe diplomacisë“, tha ministri i Jashtëm i Turqisë, Mevlut Çavusoglu.Franca mbështet thirrjen e Greqisë për sanksione, por jo të gjitha vendet janë të bindura, pasi disa prej tyre kanë frikë nga një fluks refugjatësh të cilët mund të dynden nga Turqia.

Pavarësisht nëse ju pëlqen, ose jo, në një masë të madhe siguria e Evropës është në duart e Turqisë“, tha ministri i Jashtëm i Hungarisë, Peter Szijjarto pas takimit në Ankara me homologun e tij turk Çavusoglu.