Një burrë ua bëri jetën e fqinjëve të tij ‘ferr’ duke dëgjuar muzikën e James Blunt. Banorët mbetën pa gjumë dhe pësuan stres, lodhje dhe ankth nga luajtja e përsëritur e hitit “You’re Beautiful”.
Sipas gjykatës, kur ata iu afruan Mark Carey-t për muzikën që vinte nga shtëpia e tij, ata u përballën me abuzim. Fqinjët e tij bënë regjistrime audio të muzikës që luhej në nivele të papranueshme gjatë natës. U dëgjuan regjistrime audio që shfaqnin Blunt dhe Coldplay.
Oficerët morën një urdhër dhe sekuestruan tre televizorë, altoparlantë dhe pajisje të tjera muzikore nga prona. Gjyqtarët e Plymouth e shpallën Carey-n fajtor në mungesë të tij për shkeljen e një Njoftimi për Mbrojtjen e Komunitetit dhe e gjobitën me 660 £.
Ai u urdhërua të paguante 1,400 £ kompensim për një fqinj dhe të gjitha pajisjet e tij janë konfiskuar përgjithmonë. Carey, nga Plymouth, duhet të paguajë gjithashtu një kosto prej 699,70 £ dhe një shtesë prej 66 £ për të gjithë ata që u shqetësuan. Këshilltari John Riley tha:
Çdokush ka të drejtë të jetojë i qetë në shtëpinë e tij, prandaj ne nuk do të hezitojmë të ndjekim penalisht njerëzit që përpiqen t’ia marrin atë të drejtë fqinjëve të tyre. Shpresoj tani që fqinjët e të pandehurit më në fund do të kenë pak paqe.
Rikujtojmë se, James Blunt është i bindur se lokali i tij i vitit 1864 është i pushtuar nga fantazmat dhe ka ndarë përvojat e tij rrëqethëse me 695 mijë ndjekësit e tij në Instagram. Këngëtari i “Goodbye My Lover” është bërë i njohur me fansat e tij për postimet e tij në rrjetet sociale, por këtë herë ai është shumë serioz.
James, është i bindur se dikush qëndron pas ngjarjeve lidhur me fantazmën dhe ndau një video në Instagram të një tenxhereje të vogël që bie në mënyrë misterioze në pijetoren “The Fox & Pheasant”. Fryma është shumë specifike dhe troket gjithmonë mbi të njëjtin enë, duke e bërë këngëtarin të besojë se ishte pikërisht i njejti person.
