Dëgjo live TOP ALBANIA RADIO
Dëgjo live TOP GOLD RADIO
Dëgjo live MY MUSIC RADIO
Voto në THE TOP LIST
Bota Tech

Mark Zuckerberg thyen heshtjen dhe u përgjigjet kritikave mbi Facebook!

CEO i Facebookut, Mark Zuckerberg ka folur së fundmi rreth të ardhurave të tremujorit të këtij viti duke adresuar valën e fundit të mbulimit bazuar në një grumbull dokumentesh të brendshme të zbuluara ditën e hënë. Rrjeti social Facebook po përballet me një krizë të madhe pas skandalit me Cambridge Analytica, e cila thuhet se shfrytëzojë të dhënat e rrjetit social për të ndikuar në zgjedhjet presidenciale amerikane të vitit 2016. Zuckerberg u shpreh se:

Kritika me mirëbesim na ndihmon të përmirësohemi, por pikëpamja ime është se ne po shohim një përpjekje të koordinuar për të përdorur në mënyrë selektive dokumente të zbuluara për të krijuar një pamje të rreme rreth kompanisë sonë. Realiteti është se ne kemi një kulturë të hapur që inkurajon diskutimin dhe kërkimin mbi punën tonë, në mënyrë që të mund të bëjmë përparim në shumë çështje komplekse që nuk janë specifike vetëm për ne.

Rezultatet e kompanisë vijnë mes krizës ndoshta më të madhe në historinë 17-vjeçare të gjigantit të mediave sociale. Dhjetëra mijëra faqe dokumentesh të brendshme të zbuluara nga ish-punonjësja Frances Haugen informuan serinë “Facebook Files” të Wall Street Journal. Dokumentet ofrojnë një vështrim më të thellë në shumë nga problemet më të mëdha të Facebookut, duke përfshirë përpjekjet e tij për të rregulluar gjuhën e urrejtjes dhe dezinformimin, përdorimin e platformës së tij nga trafikantët e qenieve njerëzore, kërkimin mbi dëmet ndaj të rinjve dhe më shumë.

Facebook ka refuzuar shumë prej raporteve, duke thënë se ato janë mashtruese dhe keq karakterizojnë kërkimet dhe veprimet e tij. Zuckerberg komentoi për herë të fundit situatën pas seancës dëgjimore të Haugen në Senat në fillim të këtij muaji, në një deklaratë në të cilën ai u përpoq ta diskreditonte atë. Megjithatë, të premten, një tjetër ish-punonjës i Facebook në mënyrë anonime paraqiti një ankesë kundër kompanisë në SEC, me akuza të ngjashme me ato të Haugen.

Së fundmi mësohet se gjiganti i rrjetit social, Facebook po planifikon të ndryshojë emrin. Lajmin e ka bërë të ditur një burim nga “The Verge”, sipas të cilit thuhet se ndryshimi i emrit do të shpallet javën e ardhshme. Sipas medieve të huaja, shefi ekzekutiv i Facebook, Mark Zuckerberg, po planifikon të flasë për ndryshimin e emrit në konferencën vjetore të kompanisë, Connect, më 28 tetor.