E ftuar mëngjesin e sotëm në “Wake Up” ka qenë artistja Marsela Çibukaj. Ajo së fundmi ka prezantuar albumin e saj që mban titullin “Petale” dhe që përmban 4 këngë. Deri më tani Marsela ka publikuar dy prej tyre dhe tashmë na ka zbuluar se kur do të vijnë të tjerat…
Lidhur me këngët e reja që po publikohen rëndomë e ndjekin trendin, Marsela u shpreh:
Janë fenomene meteor, ndjekin modën e momentit. Është si të marrësh një veshje klasike nga Giorgo Armani, që edhe pas 500 vitesh do ta veshësh e do këtë të njëjtën vlerë. Publiku po vuan botërisht faktorin TikTok, dëgjim me 15 skonda. Sot një këngë duhet të zgjasi sa më pak. Por unë vazhdoj të mbetem një veterane e muzikës të një lloj zhaneri, të një lloj stili, e të një lloj botëkuptimi. Jam shumë meraklie për tekstet, jam shumë meraklie për meloditë e bukura, orkestrimet e bukura.
Me çfarë projekti të ri po punon tjetër?
Në tetor kam dëshirë të vij tek publiku këtu në Tiranë me një koncert më të madh, më të bukur, në Teatrin e Operas dhe Baletit. Jam duke punuar për detajet. Do të jetë një koncert që përmbledh pak këto vitet e mia në Shqipëri, duke nisur nga “The Voice of Albania”, aty ku filluan dhe hapat e parë të karrierës sime në Shqipëri. Por duke përmbledhur pak dhe vitet që kam kaluar në Itali dhe vendet e tjera të Evropës, së bashku me bendin tim italian, që besoj do të jetë i pranishëm gjithashtu.
