Në një artikull të New York Times shkruhet se Hamasi fsheh ushqim dhe karburant për 3 deri 4 muaj luftë. Burime të ndryshme nga perëndimi si dhe nga bota konfirmojnë se Hamasi mund të ruajë furnizime, duke përfshirë ushqime dhe karburant, në tunele, duke i privuar ata nga banorët e Rripit të Gazës, të cilët janë në nevojë të dëshpëruar.
Të njëjtat burime theksojnë se organizata terroriste ka vite që punon për hapjen e dhjetëra kilometrave tunele nëntokësore nën Rripin e Gazës. Atje Hamasi ka krijuar magazina me pothuajse gjithçka të nevojshme për të zhvilluar një betejë të gjatë dhe të vështirë. Një zyrtar i lartë libanez tha se Hamasi, i cili vlerësohet të numërojë midis 35,000 dhe 40,000 anëtarë, ka rezerva të mjaftueshme për të vazhduar luftën për tre deri në katër muaj pa furnizim.
Burimet e NYT, të cilët folën në kushte anonimiteti, theksuan se informacioni i tyre erdhi nga burime me njohuri për situatën, komunikime të përgjuara dhe burime të tjera të inteligjencës. Stoqet zakonisht mbahen nën tokë, dhe paralajmëruan se detajet e sakta të furnizimeve të Hamasit janë të vështira për t’u arritur. Në fakt, një nga pengjet e liruar nga Hamasi raportoi se ata u pajisën ilaçe, shampo dhe produkte higjienike femërore.
E gjithë kjo është jashtëzakonisht e vështirë tani në Gaza, pasi dy javë më parë Izraeli, me ndihmën e Egjiptit, vendosi një bllokadë totale pasi grupi terrorist sulmoi territorin e tij më 7 tetor. Dy ditë më parë agjencitë humanitare të OKB që veprojnë në Lindjen e Mesme deklaruan se po ngadalësojnë ndihmën e tyre pasi nuk kanë më karburant. Por ushtria izraelite reagoi duke u shprehur se për këtë duhet të pyesnin Hamasin se ku i mban rezervat ushqimore dhe karburatin që në fakt duhet tia shpërndajë popullatës në nevojë.
