Leslie Jordan, aktori dhe humoristi i dashur për publikun ka ndërruar jetë në moshën 67-vjeçare. Ylli, i njohur për rolet e tij në “Will and Grace” dhe “American Horror Story”, ndërroi jetë në një aksident automobilistik në Los Anxhelos të hënën në mëngjes, raportuan mediat amerikane.
Policia tha për ‘LA Times’ se makina e Jordan u përplas në anë të një ndërtese dhe ai u deklarua i vdekur në vendngjarje. Publicisti i tij David Shaul tha në një deklaratë për mediat se bota ishte bërë një “vend më i errët” me humbjen e tij.
Bota është padyshim një vend shumë më i errët sot pa dashurinë dhe dritën e Leslie Jordan. Jo vetëm që ishte një mega-talent dhe kënaqësi për të punuar me të, por ai siguroi strehim emocional për kombin në një nga momentet e tij më të vështira. Ajo që i mungonte në gjatësi, ai e kompensoi me bujari dhe madhështi si djalë, vëlla, artist, humorist, partner dhe qenie njerëzore. Të dish që ai u largua nga bota në kulmin e jetës së tij profesionale dhe personale është ngushëllimi i vetëm që njeriu mund të ketë sot.
Oficerët shtuan se ishte e paqartë nëse Jordan ndërroi jetë në përplasje, apo nëse ai kishte pësuar një urgjencë mjekësore më parë. Leslie ishte i njohur për rolet e tij në seriale të njohura televizive, si “Will and Grace”, “Hearts Fire”, “The Cool Kids”, “Call me Kat” dhe “American Horror Story”.
