Edhe pse e diela që lam pas nuk ishte aspak e bukur sepse shiu dhe moti i paqëndrueshëm na detyruan që të qëndronim në shtëpi, e sotmja është krejtësisht ndryshe prandaj hidhini një sy horoskopit në mënyrë që edhe dita t’ju ecë më mbarë dhe gjithçka të jetë aty ku duhet.
Dashi
Mos merrni kot sot, por qëndroni me këmbë në tokë. Sigurisht që vetvlerësimi që keni do ju bëjë shumë punë, por kurrsesi nuk duhet t’i fshiheni realitetit. Dita e diel do ju ofrojë situata dinamike dhe mund t’ju sprovojë, duke ju bërë edhe më të fortë.
Demi
E diela për Demin do të jetë si një oaz qetësie ku ju do të gjeni prehje duke u relaksuar nga stresi i ditëve të punës. Sot do të gjeni mbështetje të madhe te partneri i cili do ju favorizojë në çdo vendimmarrje tuajën. Dita do të ketë edhe takime interesante argëtuese.
Binjakët
Sot për Binjakët yjet parashikojnë një ditë të ngarkuar, dhe disi jo fort të këndshme. Fillimisht do të keni ndjesinë e boshllëkut, por me kalimin e orëve gjërat do të ndjekin rendin e duhur dhe ju do të keni mundësi orientimi të disa çështjeve që do ju sjellin kënaqësi.
Gaforrja
Për Gaforren e diela do të jetë tamam një ditë pushimi. Të mësuar me gjëra të lehta, sot pothuajse nuk do të çoheni nga shtrati. Do ju pëlqejë të përkëdheleni dhe të mos merrni angazhime serioze. Por të afërmit nuk do jenë dakord që ta kalojnë ditën të mbyllur në shtëpi.
Luani
Luani as këtë të diel nuk do të mundet të marrë frymë nga punët e tepërta. Një periudhë intensive me çështje të panumërta që ju kërkojnë juve të angazhuar dhe me prezencë fizike. Pasditja do të jetë më e lirshme dhe ju do ia dedikoni familjes.
Virgjëresha
Një e diel e larmishme e pret sot Virgjëreshën. Nuk do bëni kompromise në dëm të punës sot, por gjithçka do të bëni do ta shijoni dhe në fund kënaqësia do të jetë e madhe. Nuk do të mungojnë edhe komplimentat për një profesionist si ju. Shijojeni.
Peshorja
Do të jeni gjithë kohës në natyrë sot. Kush është çift do të jetë i shoqëruar me familjarë, ndërsa beqarët do jenë nën shoqërinë e miqve të ngushtë. Mbrëmja do ju sjellë një surprizë rreth një marrëveshje që prisnit, dhe me pak besim mund ta konkretizoni sot.
Akrepi
Një e diel si turistë për Akrepin. Ndonëse pothuajse çdo ditë pretendoni ta jetoni me komoditet, sot do të kaloni pritshmëritë. Do të ndërrmerrni një udhëtim të gjatë që do i bashkohen edhe disa të afërm e njëkohësisht miqtë tuaj më të mirë. Mos u lodhni shumë, ditët para i keni.
Shigjetari
Një ditë shprese për Shigjetarin. Dëshironi të jeni në formë sot, dhe me pak vullnet do ia dilni. Një këshillë që yjet duan ta vini vath në vesh, është që të mos i varni shpresat te të tjerët. Vetëm ju keni në dorë ndryshimin e jetës suaj. Nëse do ta doni, do e realizoni.
Bricjapi
Nuk është mirë të shisni veten sikur kushedi ç’po bëni. Vërtet punoni shumë, por nga ana tjetër duhet të mendoni se të gjithë janë të angazhuar dhe madje edhe të mbingarkuar dhe punojnë në heshtje. Nuk do të kalojë dita pa ju bërë disa kritika rreth të cilave duhet të reflektoni.
Ujori
Ujori sot do të shijojë të mirat e jetës së tij. Pushime, punë, rutinë, të gjithë të futura në një fjalë të vetme, kënaqësi. Ju dini të nxirrni pjesën e këndshme të një dite normale. Energjitë tuaja sot do të jenë të orientuara drejt argëtimit, që do ta çoni në majë.
Peshqit
Peshqit do të jenë mosbesues rreth disa problemeve personale. Mos harroni që me detyrim asgjë e mirë nuk bëhet. Ndaj mendoni qetësisht se çfarë dhe si do të dëshironi që të jetë jeta juaj dhe në fund të merrni një vendim. Mund të jetë vendimtar për të ardhmen tuaj.
