Megi Pojani njihet si një ndër personazhet më pa komplekse dhe asnjëherë nuk ngurron të shfaqet ashtu siç dëshiron. Herë tepër provokuese e herë shumë ‘funny’, bukuroshja gjithmonë arrin të jetë në qendër të vëmendjes.
Shpesh postimet e saj janë lidhur me rutinën ditore, punën, e nuk mungojnë padyshim ato me familjen e sidomos dy motrat e saj, Marsi dhe Ina me të cilat prezantuesja është shumë e lidhur dhe shfaqen kudo së bashku. Ditën e sotme, kjo e fundit feston ditëlindjen dhe Megi e ka uruar publikisht me disa fjalë që na ka emocionuar me të vërtetë.
Edhe 100 motla ime. Të dua. Faleminderit që ruan sekretet e mia dhe nuk ia tregon Marselës. Faleminderit që mban kontakt me të gjithë familjarët në emër të të trejave. Faleminderit që akoma i merr leje babit për mua dhe Marselën. Faleminderit që gatuan për mua dhe nuk më ke lënë të vdes. Ti nuk ke qenë asnjëherë e shëndoshë, ty të peshon përgjegjësia.
Një video e publikuar nga e motra e saj Marsi Pojani u bë virale kudo në rrjet dhe padyshim nuk munguan fjalët nga më të ndryshmet. Në video shfaqej Megi teksa qeshte dhe kërcente ndërkohë që pastronte varrin e stërgjyshes së saj. Lidhur me këtë kanë reaguar jo vetëm komentuesit duke ofenduar rëndë, por nuk munguan dhe deklaratat nga personazhet publikë.
E ftuar në “Wake Up”, Megi tregoi si qëndronte e vërteta dhe kërkoi falje publike për të gjithë ata që janë prekur nga kjo video.