Modelja bukuroshe Arbenita Ismajli nuk i është larguar pasionit të saj duke hapur agjencinë e saj të rekrutimit të modeleve. Ajo gjithashtu nuk qëndron kurrë larg rrjeteve sociale dhe i mban shpesh ndjekësit të informuar mbi jetën e saj si profesionale ashtu dhe atë personale.
Lidhja e saj me reperin e njohur Fero me të cilin ka dhe një vajzë të vogël prej vitesh është në qendër të mediave. E së fundmi, Fero dyshohet se është arrestuar për dhunë në familje, sulm fizik dhe kanosje ndaj gruas së tij.
Sipas mediave të Kosovës, dhuna është zhvilluan në banesën e tyre në Gjilan. Situata mes tyre u përshkallëzua deri në përdorimin e forcës fizike. Fero e ka dhunuar, goditur me grushte e më pas i ka thyer edhe telefonin modeles së njohur.
Pas përfundimit të procedurave policore, Prokurori i Shtetit ka nxjerrë aktvendim që të Feros t’i caktohet masa e ndalimit policor dhe do të hetohet nën dyshimet për kryerjen e veprës penale ‘Dhunë në familje’.
Në lidhje me këtë, Gjykata Themelore në Gjilan ka aprovuar kërkesën duke ia caktuar masën e paraburgimit në kohëzgjatje prej 30 ditësh.
E teksa deri më tani nuk kishim asnjë reagim, më në fund Arbenita me anë të një Instastory ka shkruar: “U riktheva”, duke mos zgjedhur të komentojë diçka më shumë lidhur me situatën.
