Chloe Lawrence ishte një fëmijë normal që nuk kishte thyer kurrë ndonjë kockë, por në moshën 12-vjeçare trupi i saj nisi të bënte zhurma të mëdha kërcitëse. Këto kërcitje nisnin nga gjëra të thjeshta si e qeshura që i shkaktonin dhimbje të forta e të mprehta, që u shndërruan në kronike. Për këtë aryse, ndodhte që Chloe të mbetej për ditë të tëra në krevat dhe kështu humbi dy vite nga shkolla.
Koha kalonte dhe Chloe vazhdonte të kishte dhimbje dhe zhurmat shkonin deri te kupat e saj të gjurit, të cilat dilnin nga vendi. Simptomat përparonin teksa në kyçe iu shfaq lëkurë e varur, që ajo mendonte se iu shkaktua nga shtimi në peshë. Në moshën 22-vjeçare, ajo u diagnostikua me një sëmundje të rrallë të hipermobilitetit, sindroma Ehler-Danlos. Kjo sindromë prek indet lidhore të lëkurës, tendinave, enëve të gjakut, organeve dhe kockave duke rezultuar në rritje të lëvizshmërisë së kyçeve, lëkurë të brishtë dhe shumë elastike që çahet apo nxihet shpejt.
Për këtë sëmundje që prek 1 në 5000 njerëz, e më së shumti gratë nuk ka kurë, por fizioterapia ndihmon në lehtësimin e dhimbjeve të saj. Diagnostikimi më i hershëm do ta kishte ndihmuar Chloe të trajtonte dhimbjet dhe të evitonte aktivitetet si yoga, që iu këshillua asokohe nga mjekët, e cila e përkeqëson këtë sindromë. Sipas një studimi në ‘British Medical Journal’, diagnoza Ehlers-Danlos është mjaft e zakonshme por nevojiten mesatarisht 8 vite më shumë për ta përcaktuar atë tek gratë.
